Aningaasaqarnermut Inuussutissarsiornermullu Ataatsimiititap ulloq 7.10.2025 ataatsimiinnerani Kommunimut pilersaarummut tapiliussassatut siunnersuut 100L1, Kommunimut pilersaarut 2036-mut atasoq, tamanut ammasumik tusarniaassutigineqassasoq aalajangerneqarpoq.
Siunertaa
Kommunimut pilersaarummut tapiliussaq nr. 10, Kommunimut pilersaarut 2036-mut atasoq, suliarineqarpoq Qooqquni avatangiiseq immikkuullarissoq qulakkeersinnaajumallugu. Kommunimut pilersaarummut tapiliussamik matuminnga akuersissuteqarnikkut Kommunalbestyrelsimit qulakkeerneqarumavoq, siornatigut savaateqarfiusimasumi sanaartukkat siulliit qulakkeerneqarnissaat, talittarfimmi atortulersuutit qulakkeernissaat, aqqusineeqqat aamma assakaasulinnut aqqutit qulakkeernissaat kiisalu immikkoortumi pinngortitap immikkuullarissup illersorneqarnissaa.
Qooqquni immikkoortup ilaani tallimaasuni immikkuualuttut agguataarneri pioreersut pilersaarummi nutarterneqarput tamarmik immikkut atorneqartut massakkut siunissamilu sumiiffiup atorneqarneranut tapertaatut.
Tamanut oqallisissiaq
Pilersaarutitut siunnersuut piffissami 15. oktobarip – 10. decembarip 2025-ip tungaanut tamanut tusarniutigineqassaaq.
Piffissami tusarniaaffiusumi siunnersuummut oqaaseqaateqartoqarsinnaallunilu akerliliissuteqartoqarsinnaavoq.
Oqaaseqaatit kingusinnerpaamik 10. decembari 2025 uunga nassiunneqassapput: plan@sermersooq.gl
Oqaaseqaatit akerliliissutillu piffissaq eqqorlugu tiguneqartut kommunimut pilersaarummut tapiliussap Kommunalbestyrelsimi inaarutaasumik oqaluuserineqarnissaanut ilanngunneqassapput.
Inatsisinut tunngasut
Kommunimut pilersaarummut tapiliussassatut siunnersuutip tamanut saqqummiunneqareernerani nunaminertat, illut sanaartukkallu siunnersuummi pineqartut illuliorfigineqassanngillat allatigulluunniit kommunimut pilersaarutip imaluunniit kommunimut pilersaarummut tapiliussap inaarutaasup imarisaanut sioqqutsisutut isikkoqarsinnaasumik iluaqutiginiarneqassanatik.
Pilersaarut uani atuarneqarsinnaavoq
Kommunimut pilersaarummut tapiliussamut siunnersuut kommunip nittartagaani www.sermersooq.gl-imi tusarniaassut ataani atuarneqarsinnaavoq, kommunip innuttaasunik kiffartuussiviini imaluunniit Sanarfinermut Avatangiisinullu ingerlatsivimmut 36 74 00-imut saaffiginninnikkut pissarsiarineqarsinnaavoq.