Kommunip matumuuna sumiiffik immikkoortup ilaa 2D2, Iggia Nuuk sanaartorfissaq atorneqanngitsoq nalunaarutigaa. Sumiiffik Sunngiffimmut sanaartorfissatut, umiatsianut taleqqasarfinnut aamma talittarfinnut minnerusunut immikkoortinneqarsimavoq, ikaartarfiit nunamut attavilerniarlugit.
Kommunimut pilersaarummut tapiliussami immikkoortoq 2D2 Iggia Angallatinut Umiatsialivik, Nuuk september 2022-meersoq iluamik paasiniarluarnissaa pingaaruteqarpoq.
Kommunimut pilersaarummut tapiliussaq Sanarfinermut Avatangiisinullu Ingerlatsivik saaffigalugu pissarsiarineqarsinnaavoq, imaluunniit kommunip nittartagaani https://kp.sermersooq.gl atuarneqarsinnaavoq.
Suut sanaartorneqarsinnaappat:
Taamaallaat sunngiffimmi angallatinut aamma takornarialerisut angallataannut niusarfinnik puttasunik sanaartortoqarsinnaavoq. Ikaartarfinnut attaveqartumik biilinut inissiiviit pisariaqartinneqartut sanaartorneqassapput, soorlu kommunimut pilersaarummi atuuttumi allassimasoq.
Eqqakkanik Sullissiviit ikkussorneqassapput, avatangiisinut ulorianartut eqqagassat katersuiffissaat, takkulu siunissami nunaminertamik sanaartortussatut pisinnaatitaasumit aningaasalersorneqassaaq.
Sanaartorfissagissaaneq
Nunaminertamik sanaartortussatut pisinnaatitaasoq pilersaarut piviusunngortinniarlugu sanaartorfigissaasinnaanermik suliarinnittuussaaq.
Kikkut qinnuteqarsinnaappat:
- Kinaluunniit inuk, suliffeqarfik, ingerlatseqatigiiffik peqatigiiffilluunniit inatsisitigut akuerisaasoq nunaminertamik qinnuteqarsinnaavoq. Eqqumaffigiuk qanigisariit arlalinnik qinnuteqarsinnaanngimmata.
- Makitsinermi qinnuteqarsinnaatitaasut tamarmik makitsinissamut ataatsimik peqartarnerat tunngaviusarpoq. Taamaalillunilu katissimallugu aapparisaq, inuit illoqatigiinneersut, imaluunniit inuit allat aamma/imaluunniit suliffeqarfiit qinnuteqaammut tunngatillugu annertuumik soqutigisaqarlutik attuumassutillit – qinnuteqarsinnaanngillat. Aammattaaq suliffeqarfiit inuilluunniit suliffeqarfimmi tamakkiisumik ilaannakortumilluunniit piginneqataasut, suliffeqarfiup aqunneqarneranut peqataasut allatulluunniit suliffeqarfimmut aqutsisunulluunniit qanittumik attuumassutillit nunaminertamik atuinissamut uani neqeroortitsinermut ataatsimik amerlanernit qinnuteqarsinnaanngillat. Suliffeqarfinnut, suliffeqarfissuarmut attuumassutilinnut aamma tamanna atuuppoq. Assersuutigalugu aappariinnut marluusunut, imaluunniit ingerlatseqatigiiffimmut taassumalu pisortaanut, imaluunniit ingerlatseqatigiiffinnut marlunnut ataatsimik pingaarnertut aningasaliisoqartunut il.il. immikkut qinnuteqarnissaq inerteqqutaavoq.
Qinnuteqarfissaq qaangiuppat, qinnuteqaatit malittarisassanik malinnissimanersut nalilersorniarlugit misissorneqassapput. Malittarisassat malinneqarsimanngitsut paasineqarpat qinnuteqartut malittarisassanik unioqqutitsisut peerneqassapput.
Qinnuteqaammut ilanngunneqassapput
- Pilersaarut pillugu allaaserinninneq, tassani ilanngunneqassaaq ikaartarfiit biilinillu inissiisarfiit qassit eqqarsaatigineqarnersut pillugu nassuiaat.
- Sanaartornissamut piviusorsiortumik piffissamik pilersaarusiorneq, nunaminertamik atuinissamut inniminniinermut nunaminertamillu atugassinneqarnermut sanaartornissamullu akuersissutitalimmik piffissaritinneqartunik atuuttunik malinnittumik.
- Aningaasaliisinnaassuseqarnermik uppernarsaat: Qinnuteqartup uppernarsassavaa inatsisitigut piffissaliunneqartut iluanni sanaartornissamut qinnuteqaammik piviusunngortitsinissamut aningaasaqarnikkut sapernagu. Bankimit aningaaserivimmilluunniit qinnuteqartup qinnuteqarfiata nalaani aningaasaqarnikkut pissutsit atugai pillugit piviusumik naliliinikkut naliliisimaneq tunngavigalugu nalunaaruteqarnikkut uppernarsarneqassaaq, qinnuteqartoq sumiiffimmi qinnuteqaatigineqartumi pisariaqanngitsumik kinguaattoorani sanaartornermut aningaasaliissutissanik matussutissanik pissarsinissaminut piginnaasaqartuusoq. Uppernarsaanermi qinnuteqartup ukiuni arlalinni atorunnaarsinneqarsinnaanngitsumik attartortitsisuunini pillugu aalajaatsumik attartortoqarnera imaluunniit pissutsit tassunga assingusut, apeqqutaatinneqassanngillat. Sanaartugassap aningaasalerneqarnissaanut qularnaarisumik qinnuteqartup nammineq aningaasaqarnera naapertuutissaaq.
- Qinnuteqartoq nunaminertamik atuinissamut inniminneereersimappat imaluunniit sanaartorfigineqanngitsunut nunaminertanik atuinissamut tunineqarsimappat, nunaminertamik annermik pisariaqartitsineq ersarissumik paatsuugassaanngitsumillu uppernarsaasersorneqarsimassaaq. Tamanna uppernarsaasersorneqarsinnaanngippat imaluunniit nunaminertanik siornatigut sanaartornissamut annertuumik kinguaattoorfiusoqarsimappat, qinnuteqaammik itigartitsisinnaanini ingerlatsivik pisinnaatippoq.
- Pisortanut akiligassanik akilerneqanngitsunik peqannginnermut tunngasunik ilumoorluinnarluni uppernarsaaneq. Ilumoorluinnarluni nalunaarummi qinnuteqartup Kommune Akileraartarnermut Aqutsisoqarfimmut oqartussanulluunniit attuumassuteqartunut allanut akiitsoqarsinnaanermut tunngasunik paasissutissanik aallersinnaaneranik piginnaatissavaa. Qinnuteqartoq pisortanut kr 100.000 sinnerlugit akiligassaqaruni, matumanilu sanaartorfissagissaanissamut piginneqataalluni akilersimanngisaminik, qinnuteqaat itigartinneqassaaq.
Qinnuteqaatit taakkuninnga paasissutissanik uppernarsaatinillu imaqartut kisimik akuerineqartussatut ilanngunneqassapput. Qinnuteqaatip tamakkiisuunissaa eqqortumillu paasissutissiinissaq qinnuteqartup akisussaaffigaa. Qinnuteqarfissatut piffissaritinneqartoq qaangiutsinnagu qinnuteqaatit kommunip misissorneq ajorpai.
Qinnuteqarnissamut piffissaliussaq
Qinnuteqaatit tamarmik ulloq 27. oktobari 2024 nal. 23.59 sioqqullugu imaluunniit piffissami tassani kingusinnerpaamik tiguneqarsimasut taamaalisukkut tiguneqartutut isigineqassapput. Qinnuteqaatit ulloq 27. oktobari 2024 nal. 23.59 kingornatigut tiguneqartut ilaatinneqassanngillat.
Tunniussisarnermut suleriuseq
Piumasarineqartunik naammassinnissimasut akornanni Kommuneqarfik Sermersooq makitsissaaq qinnuteqarnissamut piffissaliussap ilimagisamik sapaatit akunneri sisamat kingornagut. Sumi qaqugulu makitsisoqassanersoq pillugu qinnuteqartut nalunaarfigineqarumaarput. Makitsineq kikkunnut tamanut ammavoq kommunillu nittartagaatigut facebookikkullu qupperneratigut nalunaarutigineqarumaarluni.
Aammattaaq Kommuneqarfik Sermersuup nunaminertamik atugassiisarnermut nalinginnaasumik aalajangersagai innersuussutigineqarput. http://www.kp.sermersooq.gl
Annertunerusumik paasissutissat Sanarfinermut Avatangiisinullu Ingerlatsivimmit pissarsiarineqarsinnaapput, sai@sermersooq.gl
Nunaminertamik atuinissamut inniminniinissamut qinnuteqaat elektroniskinngorlugu uunga nassiunneqassaaq sai@sermersooq.gl ilisarnaaserlugu 2D2 Iggia
