Aninagasaqarnermut Inuussutissarsiornermullu Ataatsimiititap oktobaarip 7-ianni 2025 aalajangerpaa, kommunimut pilersaarummut tapiliussatut siunnersuut 30B2-2 tamanut tusarniaassutigineqassasoq.
Siunertaa
Kommunimut pilersaarummut tapiliussaq suliarineqarpoq Pilersaarusiornermut Periusissiami anguniakkat periarfissinniarlugit, inuussutissarsiortunut inissiivissanillu atungassanik nunaminertanik atugassiinikkut kiisalu kommunip containerinut inissiivii allilerneratigut kommunillu materialgårdianik (atortussaasivianik) alliliisinnaanermik periarfissiinikkut.
Pilersaarummi siunertat tunngaviillu:
- Kommunip containerinut inissiiviinut alliliinissamik atugassiinikkut namminersortunut inuussutissarsiortunullu atugassanik kiisalu Tasiilami immikkuualuttut ilaanni containerinik torersaanissanut qulakkeerinninnikkut.
- Kommunip materialgårdianik alliliinissamut atugassiamik nunaminertamik inissiivissamik atugassiinikkut materialgårdip ingerlannissaanut siunissamut qulakkeerinninninniarluni.
- Sanaartorfissanik nutaanik inissiivissanillu nunaminertanik atugassiinikkut Tasiilami inuussutissarsiornerup ineriartorneranut periarfissanik qulakkeerinnittussat.
- Sanaartorfissat pioreersut nutarterlugit inissiivissallu killilerlugit, taamaaliornermi immikkoortumi tamaani inissiivissat aqunnissaat qulakkeerlugu kiisalu immikkuualuttumi nunaminertamik atuisussaatitaasunut pitsaasumik appakaaffeqarnissaat qulakkeerlugu.
Tamanut oqallisissiaq
Pilersaarutitut siunnersuut piffissami 15. oktobaarip – 26. novembarip 2025-ip tungaanut tamanut tusarniutigineqassaaq.
Piffissami tusarniaaffiusumi siunnersuummut oqaaseqaateqartoqarsinnaallunilu akerliliissuteqartoqarsinnaavoq.
Oqaaseqaatit kingusinnerpaamik 26. novembari 2025 uunga nassiunneqassapput: plan@sermersooq.gl
Oqaaseqaatit akerliliissutillu piffissaq eqqorlugu tiguneqartut kommunimut pilersaarummut tapiliussap Kommunalbestyrelsimi inaarutaasumik oqaluuserineqarnissaanut ilanngunneqassapput.
Inatsisinut tunngasut
Kommunimut pilersaarummut tapiliussassatut siunnersuutip tamanut saqqummiunneqareernerani nunaminertat, illut sanaartukkallu siunnersuummi pineqartut illuliorfigineqassanngillat allatigulluunniit kommunimut pilersaarutip imaluunniit kommunimut pilersaarummut tapiliussap inaarutaasup imarisaanut sioqqutsisutut isikkoqarsinnaasumik iluaqutiginiarneqassanatik.
Pilersaarut uani atuarneqarsinnaavoq: