Aninagasaqarnermut Inuussutissarsiornermullu Ataatsimiititap auggustip 22-ianni 2025 aalajangerpaa, kommunimut pilersaarummut tapiliussatut siunnersuut 2B2-6 tamanut tusarniaassutigineqassasoq.
Siunertaa
Matumani kommunimut pilersaarummut tapiliussami immikkoortup ilai 2B2 aamma 2B4 ataatsimoortinneqarput, Qeqertat ungasinnerusoq isigalugu umiarsualiveqarnermut inuussutissarsiuteqarfittullu ataqatigiissillugu ineriartortinneqarnissaa qulakkeerumallugu.
Kommunimut pilersaarut 2036 naapertorlugu Nuummi inuussutissarsiuteqarfiusut ataqatigiissagaanerat nukittorsarneqarlutillu allilerneqartussaapput. Kommunimut pilersaarummut tapiliussaq 2B2-6 taamatut anguniagaqarnermut ikorfartuutaavoq, immiisinnaaneq periarfissaqartinneqarpoq umiarsualiveqarnermut tunngasunik nunaminertanik amerlanerusunik pilersitsinissamut. Taamaattumik immikkoortup ilaa aamma avannamut kujammut-kangimullu allilerneqassaaq.
Kommunimut pilersaarummut tapiliussaq tassaavoq immikkoortup ilaata immikkuualuttortaasa killilersornerinut pingaarnertullu atorneqarnissaannut aalajangersakkanut tunngatillugu nutartigaq. Pilersaarummi nunaminertat amerlanerusut umiarsualiveqarnermut tunngasunik inuussutissarsiutinut, suliassanullu taakkununnga attuumassuteqartunut, immikkoortinneqarnissaasa qulakkeerneqarnissaat siunertarineqarpoq, immikkoortullu sapinngisamik siunertanut pineqartunut atorneqarnissaat.
Sanaartorfissiat pineqartut kiisalu illoqarfiup ilaanut pilersaarummi immikkuualuttunut aalajangersakkat aatsaat kingusinnerusukkut immikkuualuttunut pineqartunut illoqarfiup ilaanut pilersaarutinut ataasiakkaanut suliarineqassapput.
Tamanut oqallisissiaq
Pilersaarutitut siunnersuut piffissami 10. septembarip – 5. novembarip 2025-ip tungaanut tamanut tusarniutigineqassaaq.
Piffissami tusarniaaffiusumi siunnersuummut oqaaseqaateqartoqarsinnaallunilu akerliliissuteqartoqarsinnaavoq.
Oqaaseqaatit kingusinnerpaamik 5. novembari 2025 uunga nassiunneqassapput: plan@sermersooq.gl
Oqaaseqaatit akerliliissutillu piffissaq eqqorlugu tiguneqartut kommunimut pilersaarummut tapiliussap Kommunalbestyrelsimi inaarutaasumik oqaluuserineqarnissaanut ilanngunneqassapput.
Inatsisinut tunngasut
Kommunimut pilersaarummut tapiliussassatut siunnersuutip tamanut saqqummiunneqareernerani nunaminertat, illut sanaartukkallu siunnersuummi pineqartut illuliorfigineqassanngillat allatigulluunniit kommunimut pilersaarutip imaluunniit kommunimut pilersaarummut tapiliussap inaarutaasup imarisaanut sioqqutsisutut isikkoqarsinnaasumik iluaqutiginiarneqassanatik.
Pilersaarut uani atuarneqarsinnaavoq
Kommunimut pilersaarummut tapiliussamut siunnersuut kommunip nittartagaani sermersooq.gl-imi tusarniaaneq iserfigalugu atuarneqarsinnaavoq.