Aninagasaqarnermut Inuussutissarsiornermullu Ataatsimiititap februaari 18-ianni 2025 aalajangerpaa, kommunimut pilersaarummut tapiliussatut siunnersuut 2A6-1 Tinngallak tamanut tusarniaassutigineqassasoq.
Siunertaa
Kommunimut pilersaarummut tapiliussaq tunngaviusumik pilersaarusiornermi inatsimmi §45a tunuliaqutigalugu pilersaarummut qinnuteqaat suliarineqarpoq. Pilersaarummut qinnuteqaat ”Illut uiguleriiat Nuussuarmi” Tunngaviusumik pilersaarusiornermi inatsit §45a aallaavigalugu, politikkerinit akuerineqareerpoq ulloq: 13.03.2024.
Immikkoortup ilaa 2A6 illoqarfiup ilaani Nuussuarmi inissisimavoq aamma immikkoortumut sanaartorfigeqqusaanngitsumut 2D3-p eqqaani Nuussuup Mannguata eqqaani inissisimalluni. Matumani kommunimut pilersaarummut tapiliussakkut immikkoortup sanaartorfigeqqusaannginnera allanngortinneqassaaq inissianut uiguleriiaatut ittunut siunertaqalersillugu.
Pilersaarummi sanaartorfissiat marluk inissianut uiguleriiaanut atugassanngortinneqassapput sanaartorfissiami ataatsimi inissiat tallimat arfinillillu inissaqartinneqarlutik. Kommunimut pilersaarummut tapiliussakkut qulakkeerneqassaaq sumiiffimmi eqqaatigullu sukisaarsarnermut aqqutit immikkoortup ilaani najugalinnut taamatullu illoqarfiup innuttaanut allanut aqqutigineqaannarsinnaanissaat.
Pilersaarutip siunertaa tunngaviilu:
- Sanaartorfissat illunut uiguleriiajusunut marluk.
- Illut eqqaaniittunut pioreersunut tulluarsarneqarnissaat isumannaarneqassaaq.
- Aqquserngit, pisuinnartunullu aqqusineeqqat kiisalu biilertunut angallattunut attavilerneqarnerat eqqarsaatigilluagaassaaq.
- Sunngiffimmi sammisassaqarfiit nunami sanaartorfiusussaanngittumi pigiinnarneqarnissaat isumannaarneqassaaq.
- Illut uiguleriiusut ataatsimuulalaarfigisinnaasaat eqqarsaatigineqassaaq.
Tamanut oqallisissiaq
Pilersaarutitut siunnersuut piffissami 26. februaari 2025 – 30. apriili 2025-ip tungaanut tamanut tusarniutigineqassaaq.
Piffissami tusarniaaffiusumi siunnersuummut oqaaseqaateqartoqarsinnaallunilu akerliliissuteqartoqarsinnaavoq.
Oqaaseqaatit akerliliissutillu Kommuneqarfik Sermersuumi tiguneqareersimassapput apriilip 30-at 2025 nallertinnagu, uunga nassiunneqassallutik Kommuneqarfik Sermersooq, Sanarfinermut Avatangiisinullu Ingerlatsivik, Postboks 1005, 3900 Nuuk imaluunniit mailikkut uunga nassiullugu: plan@sermersooq.gl
Oqaaseqaatit akerliliissutillu piffissaq eqqorlugu tiguneqartut kommunimut pilersaarummut tapiliussap Kommunalbestyrelsimi inaarutaasumik oqaluuserineqarnissaanut ilanngunneqassapput.
Inatsisinut tunngasut
Kommunimut pilersaarummut tapiliussassatut siunnersuutip tamanut saqqummiunneqareernerani nunaminertat, illut sanaartukkallu siunnersuummi pineqartut illuliorfigineqassanngillat allatigulluunniit kommunimut pilersaarutip imaluunniit kommunimut pilersaarummut tapiliussap inaarutaasup imarisaanut sioqqutsisutut isikkoqarsinnaasumik iluaqutiginiarneqassanatik.
Pilersaarut uani atuarneqarsinnaavoq
Kommunimut pilersaarummut tapiliussamut siunnersuut kommunip nittartagaani www.sermersooq.gl-imi tusarniaassut ataani atuarneqarsinnaavoq, kommunip innuttaasunik kiffartuussiviini imaluunniit Sanarfinermut Avatangiisinullu ingerlatsivimmut 36 74 00-imut saaffiginninnikkut pissarsiarineqarsinnaavoq.