Aninagasaqarnermut Inuussutissarsiornermullu Ataatsimiititap aggustip 22-ianni 2025 aalajangerpaa, kommunimut pilersaarummut tapiliussatut siunnersuut 1A21-1 tamanut tusarniaassutigineqassasoq.
Siunertaa
Kommunimut pilersaarummut tapiliussaq pilersaarutitut qinnuteqaat aallaavigalugu suliarineqarpoq, taanna kommunalbestyrelsimit novembarip ulluisa 19-ianni 2024-mi akuersissutigineqarpoq.
Illunut pukkitsunut siammasissunut sanaartorfissanik qulinik atugassanngortitsisoqassaaq, sanaartorfissani tamani immikkut inissiamik ataatsimik sanaartortoqarsinnaassalluni. Niels Hammekenip Aqqutaata killeqarfia atuarlugu inissialiat kingulliit toqqaannartumik ilassutissaannik sanaartorfissiat inissisimapput. Inissiat kimmut sammitinneqarnissaat eqqarsaataavoq, kujammut sannertikannerlugit, immamiit isigalugu illugiiaatut inissisimassallutik.
Sanaartorfissiat assigiinngitsunik sanaartornissamut periarfissiissapput, assigiinngitsunut pingasunut immikkoortinneqartut:
- sanaartukkat marlunnik quleriillit nunaminertami sanaartorfiusumi 235 m2-init annerunerussanngillat.
- sanaartukkat marlunnik quleriillit nunaminertami sanaartorfiusumi 190 m2-init annerunerussanngillat.
- ataatsimik quleriilinnik sanaartortoqarsinnaalluni sanaartorfiusumili annerpaaffia 165 m2-init annerunerussanani
Assigiinngisitaartunik annertussusilinnik assigiinngitsunillu quleriilinnik sanaartortoqarsinnaaneranik aalajangersaanermi siunertaavoq, sanaartukkat sapinngisamik nunap ilusaanut tulluarsagaanissaasa aamma inissianut pioreersunut isikkivik inissianit nutaanit asserneqannginnissaat qulakkeerneqarnissaat
Tamanut oqallisissiaq
Pilersaarutitut siunnersuut piffissami 1. septembarip – 26. oktobarip 2025-ip tungaanut tamanut tusarniutigineqassaaq.
Piffissami tusarniaaffiusumi siunnersuummut oqaaseqaateqartoqarsinnaallunilu akerliliissuteqartoqarsinnaavoq.
Oqaaseqaatit akerliliissutillu Kommuneqarfik Sermersuumi tiguneqareersimassapput oktobarip 26-at 2025 nallertinnagu, uunga nassiunneqassallutik Kommuneqarfik Sermersooq, Sanarfinermut Avatangiisinullu Ingerlatsivik, Postboks 1005, 3900 Nuuk imaluunniit mailikkut uunga nassiullugu: plan@sermersooq.gl
Oqaaseqaatit akerliliissutillu piffissaq eqqorlugu tiguneqartut kommunimut pilersaarummut tapiliussap Kommunalbestyrelsimi inaarutaasumik oqaluuserineqarnissaanut ilanngunneqassapput.
Inatsisinut tunngasut
Kommunimut pilersaarummut tapiliussassatut siunnersuutip tamanut saqqummiunneqareernerani nunaminertat, illut sanaartukkallu siunnersuummi pineqartut illuliorfigineqassanngillat allatigulluunniit kommunimut pilersaarutip imaluunniit kommunimut pilersaarummut tapiliussap inaarutaasup imarisaanut sioqqutsisutut isikkoqarsinnaasumik iluaqutiginiarneqassanatik.
Pilersaarut uani atuarneqarsinnaavoq
Kommunimut pilersaarummut tapiliussamut siunnersuut kommunip nittartagaani ataani atuarneqarsinnaavoq, kommunip innuttaasunik kiffartuussiviini imaluunniit Sanarfinermut Avatangiisinullu ingerlatsivimmut 36 74 00-imut saaffiginninnikkut pissarsiarineqarsinnaavoq.