Aningaasaqarnermut Inuussutissarsiornermullu Ataatsimiititap ulloq 22. aggusti 2025 ataatsimiinnermini aalajangerpaa Kommunimut pilersaarummut tapiliussaq 37D4 tamanut tusarniaassutigineqassasoq.
Siunertaa
Immikkoortup ilaa 37D4 sanaartorfiusussaanngitsutut immikkoortuuvoq, iliveqarfittut atugassanngorlugu aalajangersarneqarpoq. Kommunimut pilersaarummut tapiliussamik immikkoortoq allilerneqassaaq 0,5 ha. missaanit 1,1 ha. missaanut.
Angallaviup kujataatungaaniittumit iliveqarfimmik sanaartornissaq periarfissanngortinniarlugu alliliisoqarpoq, inissisimaffimmi tassani siallernerani aputillu aannerani iliveqarfiup tamassuma tungaa atorneqaannarsinnaaneq ajormat.
Pilersaarummi siunertat tunngaviillu:
- Taamaattumik nunaminertaq kujataatungaanut kangianullu allilerneqarpoq, tassani nunami pissutsit pitsaanerupput.
Tamanut oqallisissiaq
Siunnersuut sapaatip-akunnerini arfineq pingasuni tamanut tusarniaassutigineqassaaq 10. septembarip – 5. novembarip 2025.
Piffissami tusarniaaffiusumi siunnersuummut oqaaseqaateqartoqarsinnaallunilu akerliliissuteqartoqarsinnaavoq.
Oqaaseqaatit kingusinnerpaamik novembarip 5-at 2025 uunga nassiunneqassapput: plan@sermersooq.gl
Oqaaseqaatit akerliliissutillu piffissaq eqqorlugu tiguneqartut kommunimut pilersaarummut tapiliussap Kommunalbestyrelsimi inaarutaasumik oqaluuserineqarnissaanut ilanngunneqassapput.
Inatsisinut tunngasut
Illoqarfiup ilaanut pilersaarutissatut siunnersuutip tamanut saqqummiunneqareernerani nunaminertat, illut sanaartukkallu siunnersuummi pineqartut sanaartorfigineqassanngillat allatigulluunniit kommunimut pilersaarummut tapiliussap inaarutaasup imarisaanut sioqqutsisutut isikkoqarsinnaasumik iluaqutiginiarneqassanatik.
Pilersaarut uani atuarneqarsinnaavoq
Illoqarfiup ilaanut pilersaarutissatut siunnersuut kommunip nittartagaani www.sermersooq.gl-imi tusarniaassut ataani atuarneqarsinnaavoq, kommunip innuttaasunik kiffartuussiviinut imaluunniit Sanarfinermut Avatangiisinullu Ingerlatsivimmut 36 74 00-imut saaffiginninnikkut pissarsiarineqarsinnaavoq.