Aningaasaqarnermut Inuussutissarsiornermullu Ataatsimiititap ulloq 19. februari 2025 ataatsimiinnermini aalajangerpaa illoqarfiup ilaanut pilersaarutissatut siunnersuut 4A6-1-F tamanut tusarniaassutigineqassasoq.
Siunertaa
Illoqarfiup ilaanut pilersaarummut qinnuteqaat Pinguaraq inissiat 48-t 2023-mi februaarimi Kommunalbestyrelsimit akuersissutigineqartoq tunngavigalugu illoqarfiup ilaanut pilersaarut suliarineqarpoq.
Inissianik sanaartorfissat marluk, arfineq marluk tikillugit quleriillit, sanaartorneqarnissaannut atorneqartumik qalialimmik atugassiisoqarpoq. Inissiarsuarni taakkunani marlunni portusuuni katillugu inissianik 60-inik sanaartortoqarsinnaavoq. Taakkua saniatigut sanaartorfimmik mikinerusumik ataatsimik quleriilimmut sanaartorfissamik atugassiisoqarpoq. Sanaartukkamut ilanngullugu aqqusineeqqamut mittarfimmut aqquserngup sanianiittumut illuttut biilinut inissiisarfik ilanngunneqassaaq. Taakku saniatigut aqqusineeqqat aamma pinnguartarfik aneerasaartarfillu pilersinneqassapput.
Pilersaarummi siunertat tunngaviillu:
- Quleriit arfineq marluk tikillugit punkthus-inik marlunnik qalialinnik sanaartorsinnaaneq.
- Aqqusinernut, aqqusineeqqanut, biilit uninngasarfiinut ataatsimoorussanullu nunaminertanik immikkoortitsinissaq.
- Atorluarneqarsinnaasunik uninngaarfeqarnissaq pinnguartarfeqarnissallu pitsaasuunissaasa qulakkeernissaat
Tamanut oqallisissiaq
Pilersaarutitut siunnersuut piffissami 5. marssip – 16. apriilip 2025-ip tungaanut tamanut tusarniutigineqassaaq.
Piffissami tusarniaaffiusumi siunnersuummut oqaaseqaateqartoqarsinnaallunilu akerliliissuteqartoqarsinnaavoq.
Oqaaseqaatit akerliliissutillu Kommuneqarfik Sermersuumi tiguneqareersimassapput apriilip 16-at 2025 nallertinnagu, uunga nassiunneqassallutik Kommuneqarfik Sermersooq, Sanarfinermut Avatangiisinullu Ingerlatsivik, Postboks 1005, 3900 Nuuk imaluunniit mailikkut uunga nassiullugu: plan@sermersooq.gl
Oqaaseqaatit akerliliissutillu piffissaq eqqorlugu tiguneqartut kommunimut pilersaarummut tapiliussap Kommunalbestyrelsimi inaarutaasumik oqaluuserineqarnissaanut ilanngunneqassapput.
Inatsisinut tunngasut
Illoqarfiup ilaanut pilersaarutissatut siunnersuutip tamanut saqqummiunneqareernerani nunaminertat, illut sanaartukkallu siunnersuummi pineqartut sanaartorfigineqassanngillat allatigulluunniit kommunimut pilersaarummut tapiliussap inaarutaasup imarisaanut sioqqutsisutut isikkoqarsinnaasumik iluaqutiginiarneqassanatik.
Pilersaarut uani atuarneqarsinnaavoq
Illoqarfiup ilaanut pilersaarutissatut siunnersuut kommunip nittartagaani www.sermersooq.gl-imi tusarniaassut ataani atuarneqarsinnaavoq, kommunip innuttaasunik kiffartuussiviinut imaluunniit Sanarfinermut Avatangiisinullu Ingerlatsivimmut 36 74 00-imut saaffiginninnikkut pissarsiarineqarsinnaavoq.