Aningaasaqarnermut Inuussutissarsiornermullu Ataatsimiititap ulloq 22. augussti 2025 ataatsimiinnermini aalajangerpaa illoqarfiup ilaanut pilersaarutissatut siunnersuut 2B1-2-A tamanut tusarniaassutigineqassasoq.
Siunertaa
Matumani illoqarfiup ilaanut pilersaarut 3B1 Pukuffik pilersaarummik nutarterineruvoq, inuussutissarsiuteqarfittullu atuuffianik attassinissamut kiisalu piffissamut naleqquttumik ineriartortitsinissap qulakkeerneqarnissaa pilersaarummi siunertaalluni.
Kommunimut pilersaarut 2036 naapertorlugu Nuummi inuussutissarsiuteqarfiusut ataqatigiissagaanerat nukittorsarneqassapput. Illoqarfiup ilaanut pilersaarut 3B1-4 takorluukkamut tassunga attuumassuteqarpoq sumiiffimmi inuussutissarsiuteqartut pioreersut alliliinissaannut ilitsiveqarnissaannullu periarfissiinikkut.
Illoqarfiup ilaanut pilersaarut una immikkuualuttunut pioreersunut kattunneqassaaq ataasinngortillugu, soorluttaaq nunaminertat illoqarfiup ilaatut pilersaarusiorneqarsimanngitsut illoqarfiup ilaanut sukumiisunik aalajangersagaliorfigineqassapput.
Tamanut oqallisissiaq
Pilersaarutitut siunnersuut piffissami 10. septembarip – 22. oktobarip 2025-ip tungaanut tamanut tusarniutigineqassaaq.
Piffissami tusarniaaffiusumi siunnersuummut oqaaseqaateqartoqarsinnaallunilu akerliliissuteqartoqarsinnaavoq.
Oqaaseqaatit kingusinnerpaamik 22. oktobarip 2025 uunga nassiunneqassapput: plan@sermersooq.gl
Oqaaseqaatit akerliliissutillu piffissaq eqqorlugu tiguneqartut kommunimut pilersaarummut tapiliussap Kommunalbestyrelsimi inaarutaasumik oqaluuserineqarnissaanut ilanngunneqassapput.
Inatsisinut tunngasut
Illoqarfiup ilaanut pilersaarutissatut siunnersuutip tamanut saqqummiunneqareernerani nunaminertat, illut sanaartukkallu siunnersuummi pineqartut sanaartorfigineqassanngillat allatigulluunniit kommunimut pilersaarummut tapiliussap inaarutaasup imarisaanut sioqqutsisutut isikkoqarsinnaasumik iluaqutiginiarneqassanatik.
Pilersaarut uani atuarneqarsinnaavoq
Illoqarfiup ilaanut pilersaarutitut siunnersuut kommunip nittartagaani sermersooq.gl-imi tusarniaaneq iserfigalugu atuarneqarsinnaavoq.