Aningaasaqarnermut Inuussutissarsiornermullu Ataatsimiititamit ulloq 10.02.2026 ataatsimiinnermi aalajangerneqarpoq, illoqarfiup ilaanut pilersaarutissatut siunnersuut 1C32-C-1 tamanut tusarniaassutigineqassasoq.
Siunertaa
Illoqarfiup ilaanut pilersaarut immikkuualuttup ilaanik nutaamik C-mik atugassiiniarluni suliarineqarpoq, taanna immikkoortup ilaata pioreersup 1C32 Arsiffiup iluani sukumiisumik illoqarfiup ilaanut pilersaarusiornermi aalajangersakkat sukumiisut ilaapput.
Illoqarfiup ilaanut pilersaarutip illut B-1281-imik aamma B-1396-imik isaterinissaq periarfissaalersissavaa kiisalu sanaartorfissiamik nutaamik tamanut siunertaqartumik pilersitsinissaq, ilanngullugit peqqinnissaqarnermut atuuffiit soorlu kigutileriffik.
Pilersaarummi siunertat tunngaviillu:
- Immikkoortup ilaani nutaami C-mi 1C32-mi Arsiffik immikkuualuttumik atugassiinissaq.
- Illut B-1281-imik aamma B1396-imik isaterinissap periarfissanngortinnissaa kiisalu sanaartorfissianik nutaanik atugassanngortitsinissaq.
- Kigutigissaaveqarnissaanik tamanut atugassiisumik immikkoortup ilaata illoqarfimmut pilersaarummut aalajangersakkanik sukumiisunik aalajangersaanissaq.
- Immikkoortoq Atuarfik Inussuk aamma ulluunerani paaqqinnittarfik Naasut qaliarsui silataatalu isikkua aallaavigalugit ersarissunik naleqquttunik iluseqartinneqassasoq.
Tamanut oqallisissiaq
Siunnersuut sapaatip-akunnerini 6-ini tamanut tusarniaassutigisassanngorlugu saqqummiunneqassaaq, piffissami 12.02.2026 – 26.03.2026.
Piffissami tusarniaaviusumi siunnersuut pillugu oqaaseqaateqartoqarlunilu akerliliissuteqartoqarsinnaavoq. Oqaaseqaatit kingusinnerpaamik 26.03.2026 uunga nassiunneqassapput: plan@sermersooq.gl
Oqaaseqaatit akerliliissutillu piffissarititap iluani tiguneqartut Kommunalbestyrelsip pilersaarummut qinnuteqatip inaarutaasumik suliarineranut ilaatinneqassapput.
Tusarniaanermut akissutit tiguneqartut tamanut saqqummiunneqassapput ugguuna https://dagsordener.sermersooq.gl/ pilersaarusiornermut tunngaviusumik isumaqatigiissutip inaarutaasumik suliarineqarnerani. Tusarniaaneq pillugu akissuteqarnermi tusarniaaffigineqartoq akuersissummik tunniussisarpoq tusarniaaneq pillugu akissut tamanut saqqummiunneqassasut, tassunga ilanngullugit nassiussisup aqqa, e-maili aqqutigalugu adressia allallu paasissutissat tusarniaanermut akissuteqaammiittut tamanut saqqummiunneqassasut.
Inatsisinut tunngasut
Illoqarfiup ilaanut pilersaarutissatut siunnersuutip tamanut saqqummiunneqareernerani nunaminertat, illut sanaartukkallu siunnersuummi pineqartut sanaartorfigineqassanngillat allatigulluunniit kommunimut pilersaarummut tapiliussap inaarutaasup imarisaanut sioqqutsisutut isikkoqarsinnaasumik iluaqutiginiarneqassanatik.
Pilersaarut uani atuarneqarsinnaavoq
Illoqarfiup ilaanut pilersaarutitut siunnersuut kommunip nittartagaani sermersooq.gl-imi tusarniaaneq iserfigalugu atuarneqarsinnaavoq.