Aningaasaqarnermut Inuussutissarsiornermullu Ataatsimiititamit ulloq 18. februaari 2025 ataatsimiinnermi aalajangerneqarpoq, illoqarfiup ilaanut pilersaarutissatut siunnersuut 3A3-9-B tamanut tusarniaassutigineqassasoq.
Siunertaa
Immikkoortup ilaa 3A3 Kangillinnguit Nuup avannaata kitaatungaaniippoq. Matumani illoqarfiup ilaanut pilersaarut immikkoortup ilaanut B-mut – Paarnamut atuuppoq.
Kommunimut pilersaarummut tapiliussaq una suliarineqarpoq, immikkoortumi ullutsinnut naleqquttunik aalajangersagaliornissaq siunertaralugu oqaasertalersussallugu, taamaalilluni ineqarfissatut pilerinartuuniassammat.
Illoqarfimmut pilersaarummut tapiliussap imarai immikkoortumi pitsaassutsinut nassuiaat kiisalu inissiat qanoq allilersinnaanerannut aalajangersakkat siunissamullu qularnaarineq, illut ilusaat tamaaniittut ilisarnaataat immikkut isiginiarlugit.
Pilersaarummi siunertat tunngaviillu:
- Illoqarfiup ilaanut pilersaarummi uani immikkoortup B-p immikkuualuttumi 3A3-miittup piffissamut naleqquttuunissaata qulakkeernissaa.
- Immikkoortup pitsaaqutai sumiiffimmilu illuliortaaseq attatiinnarneqassasut nukittorsarneqarlutillu qulakkeerneqassasoq – matumani oqinnerusumik illuliortaaseqarneq, annertussuseq, qaliat sivingasut, illut silatai nallersuuttut, qalipaatit atortullu.
- Immikkuualuttup ilaa aqqusaarlugu ikaartarfiliortoqarsinnaanissaa pisinnaatillugu.
Tamanut oqallisissiaq
Pilersaarutitut siunnersuut piffissami 26. februaarip – 9. apriilip 2025-ip tungaanut tamanut tusarniutigineqassaaq.
Piffissami tusarniaaffiusumi siunnersuummut oqaaseqaateqartoqarsinnaallunilu akerliliissuteqartoqarsinnaavoq.
Oqaaseqaatit akerliliissutillu Kommuneqarfik Sermersuumi tiguneqareersimassapput apriilip 9-at 2025 nallertinnagu, uunga nassiunneqassallutik Kommuneqarfik Sermersooq, Sanarfinermut Avatangiisinullu Ingerlatsivik, Postboks 1005, 3900 Nuuk imaluunniit mailikkut uunga nassiullugu: plan@sermersooq.gl
Oqaaseqaatit akerliliissutillu piffissaq eqqorlugu tiguneqartut kommunimut pilersaarummut tapiliussap Kommunalbestyrelsimi inaarutaasumik oqaluuserineqarnissaanut ilanngunneqassapput.
Inatsisinut tunngasut
Illoqarfiup ilaanut pilersaarutissatut siunnersuutip tamanut saqqummiunneqareernerani nunaminertat, illut sanaartukkallu siunnersuummi pineqartut sanaartorfigineqassanngillat allatigulluunniit kommunimut pilersaarummut tapiliussap inaarutaasup imarisaanut sioqqutsisutut isikkoqarsinnaasumik iluaqutiginiarneqassanatik.
Pilersaarut uani atuarneqarsinnaavoq
Illoqarfiup ilaanut pilersaarutissatut siunnersuut kommunip nittartagaani www.sermersooq.gl-imi tusarniaassut ataani atuarneqarsinnaavoq, kommunip innuttaasunik kiffartuussiviinut imaluunniit Sanarfinermut Avatangiisinullu Ingerlatsivimmut 36 74 00-imut saaffiginninnikkut pissarsiarineqarsinnaavoq.