Kommunalbestyrelsip 2024-mi maajip 15-ianni 2024-miit 2028-mut inoqarfiit mikinerit pillugit ineriartortitsinissamut periussatut siunnersuut akuersissutigaa siunnersuullu tamanut tusarniaassutigineqassasoq aalajangerlugu.
Ineriartortitsinissamut periusissiamut takorluugaavoq Kommuneqarfik Sermersuumi inoqarfiit mikinerit arfineq-pingasuusut inuuffigissallugit pitsaasuussasut. Illut pitsaasut, inuussutissarsiutitigut periarfissat inuttullu piginnaasat innuttaasut inuunerminni qanorluunniit atugaqaraluartut najugaqarfinni mikisuni inuunerissaarnerannut akisussaaqataanerannullu tapertaasut.
Periusissiami takorluugaq anguniakkanit arfineq-marlunnik tunngaveqarput:
- Inissiat kiffartuussiviillu ingerlalluartut
- Meeraanermi inuusuttuunermilu inuunerinneq
- Suliffigissaarneq kommunimilu sullissineq
- Sunngiffimmi sammisassat pitsaasut ataatsimoorfiusullu
- Tikikkuminarneq, perusuersartarfiit eqqagassalerinerillu pitsaasut
- Qanimut oqartussaaqataaneq, suleqatigiinneq aamma iliuuseqarsinnaaneq
- Kajumilersitsineq aamma assassortunik atorluaaneq
Anguniakkat tamarmik arlalinnik immikkut anguniagassartaqarput, taakkunani aalajangersimasunik innersuussuteqarpoq periusissiami anguniakkat iliuusinngortinneqarnissaannik qulakkeerinnittussanik aamma pitsaasumik ineriartortitsinermut inoqarfiillu mikinerusut inuuffigissallugit pitsaasuunissaannut iluaqutaasussanik.
Tamanut tusarniaaneq
- Tusarniaanissamut piffissaq: 2. September – 28. Oktober 2024.
- Oqaaseqaatit akerliliissutillu piffissaliunneqartup iluani kommuneqarfik@sermersooq.gl -mut nassiunneqarsinnaapput imaluunnit allaganngorlugit kommunip allaffiinut tunniunneqarsinnaapput.
Oqaaseqaatit akerliliissutillu piffissarititap iluani tiguneqartut Inoqarfinnut Avatangiisinullu Ataatsimiititami Kommunalbestyrelsimilu 2024-miit 2028-mut inoqarfiit mikinerusut pillugit ineriartortitsinissamut periusissap inaarutaasumik suliarineqarneranillu ilaatinneqassapput.
2024-miit 2028-mut inoqarfiit mikinerusut pillugit ineriartortitsinermut periusissatut siunnersuut uani atuarneqarsinnaavoq, kommunip allaffeqarfiani/innutaasunik kiffartuussiviini imaluunniit Pisortaqatigiit Allatseqarfianut saaffiginninnikkut uunga mailimut: kommuneqarfik@sermersooq.gl
Download:
Download: