Sanarfinermut Avatangiisinullu Ingerlatsivik teknikcontainerinut pioreersunut nunaminertami sanaartorfigeqqusaanngitsumi illuaraliornissamut torsuusaliornissamut nunaminertamik atuinissamut qinnuteqaammik tigusaqarpoq. Sanaartugassaq teknikkilersuutinut tunngammat immikkut ittumik akuersissuteqartoqarnissaanut periarfissaqarpoq.
Qinnuteqaammi teknikcontainerimut pioreersumut illuaqqamik torsuusamik sananissaq pineqarpoq. Illuaqqamik torsuusaliornissamut siunertaavoq qamittoornermi innaallagissiorfiup illutalernissaa, matumallu innaallagissamik qamittoornermi innaallagissamik pilersuinissaq qulakkeerutigissallugu.
Illuaraq torsuusaq katillugit 7 x 5-nik annertussuseqassaaq aamma illup qaavi pioreersut tallineqarneratigut sananeqassalluni.
Illup qaava pappialarsuarnik qalliusersorneqassaaq erngullu kuunnissaa qulakkeerniarlugu 10 % missaannik uinganeqassalluni. Illup qaavani ilaatigullu iigaani seqinermik nukissiutit ikkussuunneqassapput qamittoornermi innaallagissamik pilersuineq annertusiniarlugu. Taakku saniatigut illuaqqap torsuusaani batteerit inissinneqassapput qamittoortoqarnerani innaallagissamik pilersuinerup ilaatut atorneqartussanik.
Illuaqqap iigai krydsfineriussapput, qamittoornermilu innaallagissamik pilersuivik tamaat illuaqqap iluaniissalluni.
Immikkoortup qinnutigineqartup qanittuaniittumut soqutigisaqarsimaguit, taava taanna pillugu oqaaseqaateqarnissannut akerliliissuteqarnissannullu periarfissaqarputit.
Oqaaseqaatigineqartut kingusinnerpaamik 26. marsi 2025 tiguneqareersimassapput.
Tusarniaanermi akissut BOG-2021-00618-003-mik nalunaaqutseqquneqarpoq.
Akissutit uunga nassiunneqassapput:
sai@sermersooq.gl
Allakkatigulluunniit, uunga:
Kommuneqarfik Sermersooq
Sanarfinermut Avatangiisunullu Ingerlatsivik
Postboks 1005
3900 Nuuk