Sanarfinermut Avatangiisinullu Ingerlatsivik

2 months left

Kommunimut pilersaarummut tapiliussatut 2B5-2 QEQERTAT AVANNAA, NUUK siunnersuut pillugu

Aninagasaqarnermut Inuussutissarsiornermullu Ataatsimiititap novembarip 5-ianni 2024 aalajangerpaa, kommunimut pilersaarummut tapiliussatut siunnersuut 2B5-2 tamanut tusarniaassutigineqassasoq.

Siunertaa

Kommunimut pilersaarummut tapiliussatut siunnersuut pilersaarutitut qinnuteqaammut Nunataamut, kommunalbestyrelsimit oktobarip pingajuanni 2023-mi akuersissutigineqartumut periarfissiissaaq.

Immikkoortup ilaanniipput qeqertat marluk mikisut, taakkunani kitaatungaaniittoq nunamut atavoq kujammut Qeqertat tungaannut sapuseqarluni aamma avammut Pukuffimmut ikaartarfeqarluni. Qeqertat taakku marluk akornanni ikkattumik imaqarpoq. Immikkoortup ilaa, kommunimut pilersaarummi, kujataatungaani Qeqertaniit avannaata tungaanut Niaqornannguaniittumi, Nuummi inuussutissarsiornerup ilusaani nassuiarneqartup iluaniippoq.

Pilersaarummi siunertat tunngaviillu:

  • Sapusiap nunniorlugu iluarsartuullugulu nunanngortinneqarnissaata piviusunngortinniarnissaa.
  • Aaliagerneqarnissaa nunap ilaata immikkoortuata inuussutissarsiuteqarnikkut siunertalimmik ilinniagaqarnikkullu atorneqarsinnaalernissaa.
  • Nunap immikkoortuata arealip ilaata pallitaalisalerneqarsinnaanerata periarfissaqartinneqalernissaa siunertaq tunngavigalugu sanaartornerup naammassiniarneqarnissaa siunertaralugu.
  • Suliaqarnerit tamakkua avatagiiseq eqqarsaatigalugu mianersuussinissaq.

Tamanut oqallisissiaq

Pilersaarutitut siunnersuut piffissami 13. novembarip 2024-ip – 8. januaari 2025-ip tungaanut tamanut tusarniutigineqassaaq.

Piffissami tusarniaaffiusumi siunnersuummut oqaaseqaateqartoqarsinnaallunilu akerliliissuteqartoqarsinnaavoq.

Oqaaseqaatit akerliliissutillu Kommuneqarfik Sermersuumi tiguneqareersimassapput januaarip 8-at 2025 nallertinnagu, uunga nassiunneqassallutik Kommuneqarfik Sermersooq, Sanarfinermut Avatangiisinullu Ingerlatsivik, Postboks 1005, 3900 Nuuk imaluunniit mailikkut uunga nassiullugu: plan@sermersooq.gl

Oqaaseqaatit akerliliissutillu piffissaq eqqorlugu tiguneqartut kommunimut pilersaarummut tapiliussap Kommunalbestyrelsimi inaarutaasumik oqaluuserineqarnissaanut ilanngunneqassapput.

SIUNNERSUUT

Inatsisinut tunngasut

Kommunimut pilersaarummut tapiliussassatut siunnersuutip tamanut saqqummiunneqareernerani nunaminertat, illut sanaartukkallu siunnersuummi pineqartut illuliorfigineqassanngillat allatigulluunniit kommunimut pilersaarutip imaluunniit kommunimut pilersaarummut tapiliussap inaarutaasup imarisaanut sioqqutsisutut isikkoqarsinnaasumik iluaqutiginiarneqassanatik.

Pilersaarut uani atuarneqarsinnaavoq

Kommunimut pilersaarummut tapiliussamut siunnersuut kommunip nittartagaani www.sermersooq.gl-imi tusarniaassut ataani atuarneqarsinnaavoq, kommunip innuttaasunik kiffartuussiviini imaluunniit Sanarfinermut Avatangiisinullu ingerlatsivimmut 36 74 00-imut saaffiginninnikkut pissarsiarineqarsinnaavoq.