Nuummi Najukkami Ataatsimiititaliap kissaatigaa, innuttaasut, peqatigiiffiit attaveqaatillu suliniuteqartut Nuup illoqarfiata immikkoortui akimorlugit illoqarfiup ineriartortinneqarnissaanut akisussaaqataallutillu piginneqataasutut inissisimassasut. Quppernermi uani Nuummi Najukkami ataatsimiititaliap suliniutinut aningaasaliissutai pillugit, paasissutissallu pisariaqartut annerusumik atuakkit – Uani ilaalluni qinnuteqarnermi immersugassaq.
Kina qinnuteqarsinnaava?
Innuttaasoq, eqimattat aamma peqatigiiffiit kikkulluunniit sammisaqartitsinermut suliniutinullu taperneqarnissamik qinnuteqarsinnaapput, najukkami innuttaasunut inuunermut pitsanngorsaataasinnaasunut imaluunniit innuttaasunut ataatsimuussusermik pilersitsinissamik siunnertaqartumik suliniutinut.
Aningaasartuutit siunertaat
Tassani Nuummi Najukkami Ataatsimiititaliami sammisassaqartitsinissamik qitiutitsillutik qinnuteqaatit pingaarnerutinneqassapput, takuuk Najukkami Ataatsimiititaliap ileqqoreqqusaa:
- Sammisassaqartitsinerit sumiiffinni najugaqartunut ataatsimoornerulersitsisut inooriaatsimillu ilorraap tungaanut saatitsisinnaasut.
- Sammisassaqartitsinerit oqaloqatigiinnermik attaveqaqatigiinnermik illoqarfigisami sumiiffiit inuinut, atuisunut, suliffeqarfinnut, ukiut, suminngaanneerneq allatigullu assigiinngissuteqarnerit apeqqutaatinnagit suleqatigiiffiullutillu pilersitsiffiusut.
- Sammisassaqartitsinerit illoqarfigisami innuttaasut akornanni, atuisut akornanni, suliffeqarfiit akornanni, ataatsimoortukkaani assersuutigalugu utoqqaat, meeqqat, angajoqqaat imaluunniit ataatsimoorfiusartut arlaatigut anguniagaqarlutik pitsaanerulersitsinissaq anguniarlugu sulissuteqartartut.
- Sammisassaqartitsinerit neqeroorutillu kulturikkut, nipilersornikkut, timersornikkut eqqumiitsuliornikkut sunngiffimmilu sammisassaqartitsinikkut siunertarineqartut pitsaanerulersinnissaannut ineriartortinneqarnissaannullu tunngassuteqartut.
- Aningaasaliissutit tamanut tusarniaanermut, workshopinut, suliniutinut, sammisassanullu allanut suliassanulluunniit Najukkami Ataatsimiititaliap nammineq suliniutaannut atorneqarsinnaapput, tassunga tunngatillugu Najukkami Ataatsimiititaliaq suleqateqarnissamut ammavoq, tamanna pillugu qinnuteqaammik nassiussisoqartassaaq.
Qinnuteqaatit killilersuugaapput, uku tapiiffigineqarneq ajorput:
- Suliap suliarineqarnissaa sioqqullugu aaqqissuussanut pereersimasunut aningaasanik qinnuteqartoqarsinnaanngilaq.
- Inuit ataasiakkaat aaqqissuussaannut aamma sammisanut imigassamik aalakoornartulimmik sassaalliinertalinnut tapiissuteqartoqarneq ajorpoq
- Tunngaviusumik suliniutinut piffissami aalajangersimasumi ingerlanneqartussanut taamaallaat tapiissuteqartoqartarpoq.
- Suliniut/aaqqissuussaq inatsimmut, malittarisassanut il.il allanut akerliussanngilaq.
- Sammisassaqartitsinernut politikkimut tunngasunut kiisalu nalunaarutigineqareersunut tapiissuteqartoqarneq ajorpoq
- Ukiumi aningaasat tunniunneqarfianni sammisassaqartitsiniutit ingerlanneqartussat kisiisa tapiiffigineqartarput.
- Ingerlaavartumik ingerlatsinermut tapiissuteqartoqarneq ajorpoq. Taamaattorli suliniutit ataasiakkaat aallarnisarnerannut ataatsimiititaliaq tapiissuteqarsinnaasassaaq.
Qinnuteqaat nalilerneqarnera
Qinnuteqaatinik suliaqarnermi taasititsineq atorneqartarmat erseqqissaatigineqassaaq. Tassa imaappoq, ileqqoreqqusaq malillugu qinnuteqaat amerlanerussuteqarnikkut itigartinneqarnissaa akuerineqarnissaaluunniit aalajangiiffigineqartarpoq.
Ataatsimiitsitaliaq ilaasortaqarpoq qulinik, aaliangiisinnaatitaappullu minnerpaamik arfineq marluk peqataagunik nalilersuinermi.
Najukkami Ataatsimiititaliaq sukkulluunniit qinnuteqaammik itigartitsissuteqarsinnaavoq.
Qinnuteqaatinut piffissaliunneqartut
Nuummi Najukkami Ataatsimiititaliaq 2025-imi ataasiinnarmik Nuummi innuttaasut suliniutaannut qinnuteqarnissamut periarfissanik ammassaaq. Tamanna pissuteqarpoq 2025-imi qinersisoqartussaammat.
Tamatuma siunertaraa qulakkeerlugu aningaasat Nuuk-mi innuttaasunut iluaqutaassasut, aammalu ukioq naatinnagu atorneqarnissaat. Siusinnerusukkut misilittakkat takutippaat aningaasat aamma atornagit ukiup nalaani nutaamik Najukkami Ataatsimiititaliap inissinneqarfiata aallartinnerani. Tamanna qulakkeerniarlugu immikkut ataatsimik qinnuteqartitsinissamut periarfissaqartitsisoqassaaq.
Qinnuteqarfissaq kingulleq: 17. februaari 2025
Qinnuteqaatit suliarineqarnissaat: 12. marts 2025
Ajoraluartumik immikkut akuersisinnaanngilagut qinnuteqaatit piffissaliunneqartunut.
Qinnuteqaat immersugassaq naqqaniippoq.
Qinnuteqaammi akineqarneq
limagissavat qinnuteqaativit suliarineqarnerata piffissaliunneqartup piffianiik minnerpaamik sapaatip akunneri tallimat qaangiuppata, aatsaat piareerneqarluni akineqarsinnaammat.
Qinnuteqaatip imarisassaa
Qinnuteqaat immersugassaq naqqani nanisinnaavat. Qinnuteqartup nammineq akisussaaffigivaa, qinnuteqaatit imarisassai paasissutissat attuumassutillit kakkiussallugit:
- Sukumiisumik suliniummik nassuiaat.
- Suliniummut missingersuutit assilinerat.
- Suleqatigiinnissamut isumaqatigiissut/Siunnerfeqatigiinnermik isumaqatigiissut
- Paasissutissat – Suliniut/sammisassaqartitsineq innuttaasunut tamanut ammasuunersoq. Assersuutigalugu peqataaneq innutaasunut akeqanngila?
- Attaveqaqatigiinnissamut pilersaarut, suliniutip/suliassap innuttaasunut qanoq apuunneqarnissaanik takussutissiisoq.
MALUGIUK: Taperneqassagaanni piumasaqaataavoq, nittarsaassinermi atortuni ersarissarneqassasoq, Nuummi najukkami Ataatsimiitsitaliaq tapiissuteqarsimasoq.
Aningaasaqarneq
2025-imut tapiissutit katillugit 602.600 koruuninik aningaasartaligaapput, taakkulu innuttaasunik suliniutinut atugassanngorlugit immikkoortinneqarlutik.
Nalunaaruteqarnissaq/naatsorsuutit
Minnerpaamik qaammatit pingasut suliaq naammassereernerata kingorna immaqaluunniit allakkiami akuersissummi ulloq tunniunneqartoq.
Nalunaaruteqarneq minnerpaamik imarissavaa:
- Aningaasartuutit qanoq atorneqarneri, kiisalu takussutissat uppernassaatitut.
- Asseq/Assit suliami pisumi, asseq/assillu atorneqarsinnaasut Nuummi najukkami ataatsimiitsitaliamik, Kommuneqarfik Sermersooq-millu, nittartakkani/nalunaarusiani.
- Suliamut nalilersuineq, qanoq suliaq ingerlasimava; minnerpaamik imarisassai:
- Naatsumik nalilersonera.
- Sunniutaata nalilernera
- Peqataasut amerlassusaat.
- Asseq/Assit
Aningaasartuutit uterteqquneqarsinnaapput tamakkiisumik immaqaluunniit ilaannartut:
- Aningaasartuutit siunertaanut atorneqanngippata immaqaluunniit suliaq piffissaliunneqarsimasoq malinngippagu.
- Suliami aningaasartuutit atorneqanngittut sinneruttut utertinneqassapput.
- Minnerpaamik nalunaartuqarnermi imarisassaa malinneqanngippat.
Qinnuteqaat apeqqutillu uunga nassiunneqassapput: nuuklokaludvalg@sermersooq.gl
Aningaasartuutinik immersuiffissamik amingaateqaruit, una immersorsinnaavat nassiullugulu. Uani Excel immersugassaq aajuk.
Nuummi Najukkami Ataatsimiitsitaliaq ilisarnaataa uani aajuk.
Apeqqutissaqaruit, uunga attaviginnissinnaavutit: nuuklokaludvalg@sermersooq.gl