Covid-19-imut akiuussutissat ukiup 2020-p naanerani EU-miit akuerineqarput. Nunat europamiittut ukiup 2021-p aallartinnerani akiuussutissamik kapuinerit tamanna kinguneqarpoq, tamaasillunilu aamma nunatsinni akiuussutissamik kapuinissaq pisinnaanngorluni.
Innuttaasut 64-it sinnerlugit ukiullik akiuussutissamik kapitinnerat ippassaq Nuummi aallartippoq. Tamanna Atuarfik Ukaliusap eqaarsaartarfiani pivoq, tassungalu atatillugu borgmesteri Charlotte Ludvigsen utoqqaat pulaarpai.
”Utoqqaat naapitakka nuannaaqaat, soorlugooq pussutsiinnarluni” Charlotte Ludvigsen facebookimi quppernermini taama allappoq.
Ippassaq utoqqaat 98-it akiuussutissamik kapineqarput, ullumikkullu akiuussutissanik 300-nik kapisisoqarnissaa Peqqinnissaqarfiup naatsorsuutigaa.