Innuttaasunut

Eqqakkat angisuut katersorneqassapput

Paasissutissaq qangarnissaq

Akit, ammasarfiit, malittarisassallu il.il. uani saqqummiunneqartut qanganitsersimasinnaapput.

Oktobarip ulluisa 12-annit  23-anut eqqakkat angisuut illit najugaqarfippit eqqaaniit aaneqartarnissaat periarfissaaqqilissaaq. Aaqqissuussineq TAAMAALLAAT inigisaminnik pigisalinnut atuutsinneqarpoq. Inissianik attartortut allatut inissiaatileqatigiiffiit aqqutigalugit periarfissaqartinneqarput.

Sapaatip akunnerata naanerani aallertoqartassanngilaq.

Inuussutissarsiortunit eqqakkat sanaartornermilluunniit eqqakkat eqqakkanut angisuunut ilaatinneqanngillat. Tamakkua ikuallaaviup eqqaanut eqqagassalerivimmut toqqaannartumik tunniunneqartassapput. 

Igitanut angisuunut biilip igitannik aallernissaa kissaatigigukku, taava Eqqagassaleriffik oqarasuaatikkut 36 74 11 (ullut tamaasa 9-16) imaluunniit mail-imut: affald@sermersooq.gl. saaffiginnissinnaavutit.

Nalunaaruteqarneq aallernissaq ullunik marlunnik sioqqullugu pissaaq. Siusinaarlutit eqqagassalerivimmut attaveqajaarsinnaaguit aallertoqarnissaanut ulloq kissaatigisat eqquutsikkuminarnerussaaq.

Attavigigutsigut ukua paasissutissiissutigissavatit:

  1. Atit najukkallu
  2. Mobil. nr. aamma e-mail
  3. Sunik tunniussiniarpit – aamma qanoq annertutigisunik

Eqqagassat ullormi aaneqarfissaanni aatsaat aqquserngup sinaanut ilineqassapput. Igitat angisuut tikikkuminartumut avataaneersunullu akornutaanngitsumut inissinneqassapput. Igitat angisuut najukkamit sorlermeersuuneri ersarissumik takuneqarsinnaassaaq.

Igitat angisuut aaneqartussat, igitassanut ilaasussaanngitsunut nigortillugit, inissinneqassapput (assersuutigalugu sikkilit, aneerussiviit allallu.)

Eqqagassat isumannaatsumik poortorneqarsimassapput – ilinnut sulisutsinnullu isumannaallisaaneq eqqarsaatigalugu.

Illit najugaqatigiiffiit peqatigiiffippilluunniit (nammineq pigalugu/piginneqatigiinnermi) najukkassi eqqaani eqqakkanik qimaannakkanik katersiniarnermik aaqqissuussiniarussi, ulluni taaneqartuni inniminnersinnaavatsigut, eqqakkat katersorneqarsimasut biilinik aaneqarniassammata.

Aallerneq pissaaq 

Nal. 17.00-20.30 akornannni.

Sermersooq gl-imi imaluunniit Sermersooq Affaldscenter-imi Facebook aqqutigalugu eqqakkanik angisuunik katersisarneq atuarneqarsinnaavoq