Atuartut naggataarutaasumik soraarummeertussat siunissartik pilersaaruteqarfigereerpaat

Meeqqat atuarfianni sianeq naggataamik sianeraangat apeqquterujussuaq takkuttartoq tassaavoq taavami sussaanga. Kommuneqarfik Sermersuumi anguniarneqarpoq, atuartut soraarummeertartut 80 procentii ilinniarnerminnik ingerlatitseqqittassasut assersuutigalugu efterskolerlutik, oqaatsinik ilinniarlutik, inuussutissarsiutinik ilinniarlutik imaluunniit ilinniarnertuunngorniarfinni atualerlutik.

Anguniagaq suli anguneqanngikkaluartoq, amerlasuut pikkorissaqqinnissaminnut sapiissuseqarnerat takullugu nuannersuuvoq. Kisitsisit qiviaraanni, paasineqarsinnaavoq, atuartut 75,4 procentii, 2019-imi kommunip atuarfiinit soraarummeersimasut, ilinniagaqaqqinnissaminnik pilersaaruteqareersimasut. Ukiup siulianut sanilliullugu qaffariaat 1,8 procentiuvoq.

Atuartut ilinniaqqittarnissaannik kommunip anguniagai ilinniartitaaneq pitsaassusilik inuunerlu tamakkerlugu ilinniarneq pillugu FN’ip nunarsuaq tamakkerlugu anguniagaasa sisamannut naapertuulluinnarput.