Angerlarsimaffeqanngitsoq: Blok C-mut nuulluni iluaqaaq

Innuttaasut ilaat Nuuk Imerup tunuani tupeqarfiugallarsimasumi najugaqarsimasut ippassaq blok C-mut D-mullu nutserput. 32-nik ukiullip Peter Abrahamsenip, illut quleriinnik initalinnut nutsernertik iluarisimaarpaa.  

Nutsernermi karsit atorneqartut erfalasullu ippassaq ullup ingerlanerani nutsernermi ulappunnersuaqarneranik takussusiipput. Angerlarsimaffeqanngitsut arlaqartut tupeqarfiugallarsimasumi najugaqarsimasut blok C-mut D-mullu nutserput. 32-nik ukiulik Peter Abrahamsen, aperaarput nutsernertik qanoq isumaqarfigineraa:

”Taakku saniatigut pisiniarfinnut Nunatta Atuagaateqarfianullu qaninninnerulernera iluaqaaq, Nunatta Atuagaateqarfiani akeqanngitsumik internetsersinnaasarama taakaniilluartarpunga.” Peter Abrahamsenip ilanngullugu oqaatigaa.