Nuummi angerlarsimaffeqanngitsut nutserput

Nuummi angerlarsimaffeqanngitsut qaammat apriilimili tupeqarfigisimasartik ullumikkut qimappaat. Kommuneqarfik Sermersuup Nuummi angerlarsimaffeqanngitsut ornittagassaannik nutaamik pilersitsinissaata tungaanut angerlarsimaffeqanngitsut blok C-mut D-mullu najugaqarallassallutik ullumikkut nutserput.

Kommuneqarfik Sermersuup apriilimi tupeqarfiugallartussamik pilersitsipallassimanera Covid-19-ip ajornartoortitsineranit aallaaveqarpoq.

Pilersaarutit malillugit utoqqiisaasumik tupeqarfeqarallartitsisimaneq ullumikkut naggaserneqarpoq.

Nuummi angerlarsimaffeqanngitsut ornittagassaat nutaaq pilersinneqarnissaata tungaanut angerlarsimaffeqanngitsut blok C-mi D-milu najugaqarallassapput. Pilersaarutit malillugit ukiup tulliani aasarpat Nuummi angerlarsimaffeqanngitsut ornittagassaat nutaaq pilersinneqarumaarpoq.