Innuttaasunut

Meeqqat 300-t pissangasut atualeqqaassapput

Paasissutissaq qangarnissaq

Akit, ammasarfiit, malittarisassallu il.il. uani saqqummiunneqartut qanganitsersimasinnaapput.

Qaammat aggusti tassaavoq atualeqqaartarfik, Kommuneqarfik Sermersuumilu meeqqat mikinerit 300-t atualeqqaarlutik atuarfimmut appakaattussanngussapput.

Kommuneqarfik Sermersuumi illoqarfinni nunaqarfinnilu ullualunnik nikingallutik atuarfiit ammarassapput. Atuartunut amerlanernut aasaanerani atuanngereerlutik atualeqqiffiussaaq, kisiannili meeqqanut 300-nut atualeqqaarfiussaaq. Ulloq taanna immikkuullarissorujussuusarpoq, pissanganerlu aqunneqarsinnaarpiarneq ajorluni.

Ulloq malunnartinniarlugu meeqqat, borgmesterip tikilluaqqussutaanik atuakkamik tunineqassapput ’Qaammassuup oqaluttuaa’.

Illoqarfinni nunaqarfinnilu soorunami atuartut amerlassusissaat assigiinngisitaartarpoq. Kommuneqarfik Sermersuumi sumiiffinni tamani atuartut agguataarneri imaapput:

Nuummi illoqarfimmi atuarfiit 226-nik nutaanik atuartoqassapput
Paamiuni Atuarfik Tuiisaq 21-nik nutaanik atuartoqalissaaq
Nunaqarfiit kitaani atuartunik nutaanik sisamanik atuartoqalissapput
Tunumi atuarfiit 35-nik nutaanik atuartoqalissapput
Tunumi nunaqarfiit 20-nik nutaanik atuartoqalissapput

Kommuneqarfik Sermersooq tamakkerlugu aggustip qaammataani atualeqqaartussat 306-iussapput. Ullut uku atualeqqaarfiussapput:

Tasiilami aggustip ulluisa 10-anni 2020
Nuummi aggustip ulluisa 13-ianni 2020
Qeqertarsuatsiaani aggustip ulluisa 14-ianni 2020
Kapisilinni aggustip ulluisa 17-ianni 2020
Paamiuni aggustip ulluisa 17-ianni 2020
Ittoqqortoormiini aggustip ulluisa 17-ianni 2020