Borgmesteri ammaanermini meeraanerminit eqqaamasaqarpoq

Kalaaliaqqap pisortatigoortumik ammarneqarneranut atatillugu inuit 60-it najuupput, qujanartumillu sila ajunngimmat silami ingerlanneqarsinnaasimavoq.

Borgmester Charlotte Ludvigsen Kalaaliaqqap pisortatigoortumik ammarneqarnerani oqaaseqarnermini aliannaarfeqalaarpoq.

”Ataataga Kalaaliaqqami tuniniaasuusarnikuuvoq, aqqusaartarnikuuvungalu aanannukaatigalunga taamanikkut taaguutaa malillugu Triovejimi najugaqartoq. Taamaattumik meeraaninni eqqaamasakka maanga tunngasut amerlaqaat” taama borgmesteri najuuttunut 60-inut oqarpoq.”

Aalisakkat neqillu qinigassat assigiinngitsut saniatigut ullormut atatillugu kaffillernermilu sassaalliutigineqartartunik kaffeqarlunilu kaageqarpoq.