Piffissap sungiusimanngisatta ingerlanerani arlaqarpugut ulluinnarni nutaanik ileqqoqartariaqarlutalu sungiussisariaqartut. Meeqqanittaaq tamanna misigineqarpoq, ilaatigut Coronaqarnerani angerlarsimaffimmi atuartinneqarneq misigalugulu ataatsimooqatigisartakkat qanillinaveersaartarsimavaat. Tamanna musikvideoliornikkut Nipilersornermik Ilinniarfimmit sammineqarpoq, taannalu uani takusinnaavat.
Nipilersornermik Ilinniarfimmi sungiusaasut ilinniartullu nutaaliorneq sungiusimasarivaat, pikkorilluinnartulli allaat ajornartoorsinnaasarput. Coronaqalernerani ilinniartut ornigullutik guitarimik sungiusarneqarnissamut, nipilersoqatigiinnissamut imaluunniit erinarsoqatigiinnissamut takkussinnaannginnertik peqqutigalugu Nipilersornermik Ilinniarfimmi ilinniartitsisut ilinniartullu allatut suleqatigiittariaqalersimapput. Tamatuma kingunerisaanik meeqqat nipertik atorlugu ullut makku qanoq misigisimaneranut oqaasinnguinissaannut siunertaqartumik Corona pillugu erinarsuusiorlutillu musikvideoliorput.
– Piffissaq sungiusimanngilluinnagaq meeqqat qanoq misigisaqarfigisimaneraat pillugu takutitsinissaat assut eqqarsaatitsinniissimavoq. Malittarisassat suli eqqumaffigeqqissaassagivut tamanut eqqaasitsisarnissarput pingaaruteqarsimaqaaq, aammali qaangiiumaartugut ilanngullugu, Sermersuumi Nipilersornermik Ilinniarfimmi pisortaq, Pipaluk Lynge Berthelsen, oqarpoq.
Nipilersornermik Ilinniarfimmi ilinniartut nipilersornermik erinarsornermillu immiussinerni musikvideomeeqataapput, aamma arlaqarput musikvideomik immiussisarnerni peqataasut. Musikvideot suliarineri ataatsimoornerulernermik aamma nuannersumik nipilersornermik kinguneqartut misigaavut.
– Musikvideoliap suliarinera tamaat ilinniartut pikkoreqaat, kajumissuseqarluaqaat naammagittarlutillu. Ilinniartut qanoq tunniussaqarsimanerat pillugu tulluusimaaqaagut – aamma ukiup tulliani iluatsissimanerput iluatseqqissavarput. Neriuppugulli allarluinnaq pillugu taamaaliorumaarluta, Pipaluk Lynge Berthelsen naggasiivoq.
Musikvideoliaq takusineqarsinnaavoq uani.