Paasissutissiilluni ataatsimiinnissaq: Siunnersuut uunga Berjaya Inissialiornissamut qinnuteqaat, Eqinga Qinngorput

Berjaya Boligprojekt, Eqinga Qinngorput pillugu kommunip suliniummut siunnersuutaa tusarfigerusuppiuk? Pilersaarusiaq pillugu paasissutissiilluni ataatsimiinnermut peqataagit

Katuami ikinngutigiit inaanni sisamanngorneq juunip ulluisa sisamaanni nal. 19-21 pissaaq.

Kommuneqarfik Sermersooq pilersaarutitut siunnersuut pillugu nassuiaateqassaaq, piffissarititaq ingerlariaqqinnissaalu ilanngullugu oqaluttuaralugu, kiisalu pilersaarusiornermut inatsisip allannguutaanut tunngasoq kiisalu siunnersuummut tusarniaanerit kingulliit paasissutissiissutigissallugit.

Tamassuma kingorna pilersaarusiaq pillugu inatsimmullu tunngasut pillugit apeqquteqarnissamut periarfissaqassaatit.

Ataatsimiinneq Kommuneqarfik Sermersuumi Illoqarfimmik Inerisaanermut Immikkoortortamit aaqqissuunneqassaaq.

Aaqqissuussaq oqalutseqarluni ingerlanneqassaaq.


- Facebook-event



Berjaya Inissialiornissamut qinnuteqaat, Eqinga Qinngorpumut suliniummut siunnersuut pillugu.

Sanarfinermut Avatangiisinullu Ingerlatsivik Berjaya Greenland Invest A/S-imit sanaartornissamut qinnuteqaammik tigusaqarpoq.

Taakkua inissialiortiterniarput katillugit 98-inik inissiartalinnik, taakkununnga ilaassalluni ”Club House” / illu ataatsimoorfiusartoq timigissartarfilik/cafe/pisiniarfik, aammalu innuttaasunut ”Saqisaarluni aneerasaartarfik” /immami pisuttuartarfik puttasoq.

Pilersaarut immikkoortup ilaani 4C4-mi inissisimavoq taaguutigalugu Eqinga. Immikkoortumi ullumikkut ilaatigut akunnittarfissamut vandrehjemmimullu sanaartorfissat pigineqarput.


- Pilersaarusiornissamut qinnuteqaat Eqingami Inissiat