Meeqqerivimmut akiligassiissut akileqinagu

COVID-19-mik nalaataqarneq pissutigalugu Nuummi meeqqeriviit maanna matoqqagallarput. Taamaattumik aamma kukkuneruvoq, angajoqqaat meeqqerivinniittuutitaqartut akiligassinneqarmata. Meeqqerivimminngaanniit akiligassiissummik tigusaqarsimaguit akilissanngilat.

Nuummi angajoqqaat meeqqerivinniittuutitaqartut arlaqartut kukkuluttornikkut meeqqerivinnut akiligassiissutinik tigusaqartarsimapput akiliillutillu. Tamanna kukkuneruvoq, Kommuneqarfik Sermersooq nalunaarpoq.

Akiligassiissummik tigusaqarsimaguit akilissanngilat, akiligassiissullu akilereersimagukku pisassaqarnerit pillugu allagarsissaatit, akilersimasatillu utertinneqassapput.

Periarfissaanialeriarpat, Kommuneqarfik Sermersooq angajoqqaanut pineqartunut pisortatigoortumik allagaqarumaarpoq.