Innuttaasunut

Royal Run ukiamut nuutinneqarpoq

Paasissutissaq qangarnissaq

Akit, ammasarfiit, malittarisassallu il.il. uani saqqummiunneqartut qanganitsersimasinnaapput.

Covid-19 pissutigalugu Royal Run ukiamut kinguartinneqarpoq. Peqataasussat isumannaatsuunissaat peqqinnissaallu qulakkeerniarlugu taamaaliortoqarpoq.

Royal Runip pilersaarutit malillugit juunip aallaqqaataani ingerlanneqarnissaanut qaammatit marluk sinnerlugit amigaataagaluartut, aqutsisoqatigiit najukkani aaqqissuisut, Kunngikkormiut TV 2-milu tusagassiortut Royal Run sapaammut septembarip arfernanut kinguartinneqarnissaa isumaqatigiissutigaat. Royal Run Nuummi, Kalaallit Nunaanni, maajip 28-aniit aggustip 30-anut nuutinneqarpoq.

”Suliassatta pingaarnersaraat Royal Runimi peqataasussat isiginnaartullu tapersersuisut isumannaatsuunissaat peqqinnissaallu qulakkiissallugu. Taamaattumik aalajangerpugut aaqqissuussinissaq kinguartissallugu,” Royal Runimi aqutsisoqatigiit sinnerlugit Morten Mølholm Hansen, Danmarks Idrætsforbundimi pisortaq ilaliivoq.

Inuit 80.000-ingajaat Royal Runip København/Frederiksbergimi, Sønderjyllandimi, Odensimi, Aalborgimi, Bornholmimi Nuummilu peqataaniarlutik nalunaareernikuupput, aaqqissuisullu peqataasut, isiginnaartut tv-kkullu isiginnaartut Kalaallit Nunaanni illoqarfiit pingaarnersaanni aggustip 30-ani maanilu septembarip arfernani misigisaqarluartitsinissaminnut qilanaarput.

”Massakkut pisup sunneqqavaatigut, aamma Kalaallit Nunaanni, inuppassuarnullu piffissaavoq ilungersuanartoq. Taamaattumik qilanaarpugut aasap kingorna Royal Runimut inuiattut naapeqatigiinnissatsinnut, piffissaq ilungersuanartoq qaangiuppat,” Morten Mølholm Hansen oqarpoq.

Royal Run sapaammi septembarip arfernani uani ingerlanneqassaaq:

  • Sønderjylland (Sønderborg)
  • Aalborg
  • Odense
  • København/Frederiksberg
  • Rønne (kunngikkormiunik peqataasoqarani)

Royal Run 2020 aallartinneqassaaq aggustip 30-ani Nuummi, Kalaallit Nunaanni, Kunngissaq 10 km-imik arpassalluni.

  • Aallartinnermi normut ulloq 30. aggustimi arpannissamut nuunneqarput.
  • Aallartinnermi normu akiliinertaqanngitsumik juunip 25-ata tungaanut tunniunneqarsinnaavoq.
  • Aallartinnermi normumut akiliut maajip aallaqqaataata tungaanut utertinneqarsinnaavoq.

Illoqarfinni tamani Sønderborg minillugu ulikkaaqqammat, peqataanissamut nalunaartoqarsinnaavoq.

Peqataaniarluni nalunaarneq Royal Runip nittartagaani pissaaq, aamma kinguartitsinermut tunngasunik akissuteqartoqarsinnaavoq: www.royalrun.dk