Kalaallit Nunaanni COVID-19-imik tunillatsissimasoq siulleq

Kalaallit Nunaanni COVID-19-imik tunillatsissimasoq siulleq ataasinngornermi ullaakkut paasineqarpoq.

Kalaallit Nunaanni COVID-19-imik nappaateqalertoq siulleq paasineqarpoq.

Tunillatsissimasoq nunami aarlerinartumiissimavoq Nunatsinnulli tikinnermi kingorna anitsaaliorneqarluni. Taamaattumik Nunatta Nakorsaaneqarfianit nalunaarutigineqarpoq inuiaqatigiinni inoqatiminut tunillaasimanissaa ilimanaateqanngitsoq. Tunillatsissimasup qaniginerpaasai tunillatsissimasorlu anitsaaliorneqarput.

Pisoq Kommuneqarfik Sermersuumit malinnaaffigineqarpoq, maannakkullu pinaveersaartitsinissamut iliuutsit naammaginartutut nalilerlugu.

- Nunatsinni tunillatsittoqarsimasoq siulleq uppernarsineqarmat soorunalimi nutaarsiassaq nuanninngilaq. Pisoq malinnaaffigeqqissaarpaput. Tunillaasinnaaneq pakkersimaarniarlugu pinaveersaartitsinermut suliniutit sapaatip-akunnerani matumani aallartippavut, maannamullu naammallutik, Kommunaldirektøri Lars Møller-Sørensen oqarpoq.