Kommuneqarfik Sermersooq maannakkut atuutilersunik nutaanik corona pillugu malittarisassaliorpoq

Danmarkimi nunarsuullu sinnerani corona pillugu pisut ajorseriarnerannut atatillugu Kommuneqarfik Sermersuup sulisunut qanoq iliornissamut malittarisassat sukaterpai. Innuttaasut tamarmik innersuunneqarput utoqqaat illuinut pulaartassanngitsut.

Upalungaarsimanissamut sulisut innersuussutaat malillugu Kommuneqarfik Sermersuumi pisortaqatigiit COVID-19 pillugu malittarisassat sukaterpaat. Malittarisassat Kommuneqarfik Sermersuumi sulisunut tamanut atuupput, tassanilu ingerlatsiviit pingaarutillit illersorneqarsinnaasumik isumannaatsumillu ingerlanneqarnissaat siunertaavoq; tassunga ilanngullugit utoqqaat illui, meeraaqqeriviit meeqqeriviillu, atuarfiit sunngiffimmilu ornittakkat kiisalu qatserisartoqarfiit annaassiniartartullu.

Malittarisassat atuuttut amerlineqarput. Tassa maannakkut malittarisassat atuuttut imaapput:

  • Taamaallaat sulinermut atatillugu angallannerit peqquteqavissut akuerineqarsinnaapput - aamma sulinermut atatillugu angallannerit tamarmik pisortamit nalilersorneqartassapput
  • Sulisoq kinaluunniit aaqqissuussani, sammisaqartitsinerni pikkorissarnerniluunniit peqataassanngilaq
  • Sulisoq kinaluunniit suliffeqarfiup avataani ataatsimiinnerni peqataassanngilaq
  • Sulisoq kinaluunniit peqqinnissaq pillugu tunillatseratarsinnaasunut akuusoq angerlarsimaffimmi sulinissamut, qaangiuttoorsimanermut taarsiullugu sulinngiffeqarnissamut imaluunniit sulinngiffeqarnissamut kaammattorneqarpoq. Tamanna fagchefimit aalajangersimasumik nalilersorneqarlunilu isumaqatigiissutigineqassaaq.
  • Sulisoq kinaluunniit nunanut allanut ministereqarfiup angalaffissat pillugu allattorsimaffiani ilaasuni nunani angalasimasoq ullut 14-it angerlarsimaannaqqusaassaaq.
  • Sulisoq kinaluunniit nualluttut ersiutaannik misigisaqartoq pisussaavoq angerlarsimaannassalluni.

Nunanut allanut ministereqarfiup ukununnga angalanissat tamarmik innersuussutiginngila

  • Kinai: Provinsi Hubei
  • Italia: Nunami immikkoortut Piemonte, Lombardiet, Emilia-Romagna, Aostadalen, Veneto aamma Marche
  • Iran 
  • Korea kujalleq: Illoqarfik Daegu aamma provinsi Gyeongbuk
  • Østrig: Naalagaaffiup ilaa Tyrol

Nunanut allanut ministereqarfiup ukununnga angalanissat pisariaqanngitsut innersuussutiginngilaat

  • Kina (Aappaluttumik qulequtallip ataani taaneqartut minillugit kiisalu Hongkong, Macau aamma Taiwan)
  • Italia: Nunap sinnera (Aappaluttumik qulequtallip ataani taaneqartut minillugit)
  • Israel
  • Palæstina: Vestbredden aamma Østjerusalem
  • Spania: Nunami immikkoortut Madrid, La Rioja kiisalu Baskerlandet
  • Tyskland: Nunami immikkoortut Bayern aamma Nordrhein-Westfalen
  • Frankrig: Nunami immikkoortut Korsika, Alsace, naalakkersuisoqarfiit Oise aamma Val d’Oise, Parisip avannaa-tungaani
  • Schweiz: Illoqarfik Samnaun (kanton Graubünden) aamma illoqarfik Zermatt
  • Tyrkiet
  • Thailand
  • Egypten
  • Vietnam
  • Indien

Malittarisassat sukaterneqaqqinnerannut pissutaavoq, kommune pisussaammat ingerlatsiviit pingaarutillit ingerlatiinnarnisaannut qulakkeerinnittussat pingaarnerit ilagimmassuk, tamannalu pillugu malittarisassat immikkut ittut atuutilersinneqarput.

- COVID-19-imit eqqugaassagaluarutta suliassagut pingaarnerit ingerlaannarnissaannut qulakkeerinninnissaq pillugu sapinngisarput tamaat iliuuseqarpugut. Eqqugaassagutta malittarisassatigut tunillaassuinerup annikillisinneqarnissaanut suliniuteqarnissarput isumagissavarput, Kommunaldirektøri Lars Møller-Sørensen nassuiaavoq.

Tamatuma saniatigut tamanut innersuussutigineqarpoq utoqqaat illuinut paaqqinnittarfinnullu pulaartoqartannginnissaa. Tamanna innuttaasunut tamanut atuuppoq.

Illit nammineq qanoq iliorsinnaavit?

Imminut allanullu attavigisannut COVID-19-imut illersorniaruit iliuuserisinnaasat tassaavoq eqqiluisaarneq. Utoqqaat inuillu sanngiitsut illersornissaat eqqumaffigissavatit. Suligaluaruit, kikkut tamarmik ilaaffigisaanni angallannerni niuerniaruilluunniit uku siunnersuutit tallimat atorluarsinnaavatit.

  • Assatit akuttunngitsumik asalluartakkit aamma håndsprit atortaruk
  • Tangajoruit quersoruilluunniit talinnik asseruk - assannik assernagu
  • Assamminnerit, ulussakkut kuninnerit pakkunnerillu pinaveersaakkit - timikkut allap attornissaa killeqartiguk
  • Eqqiluisaarneq eqqumaffigiuk - angerlarsimaffimmi aammali suliffinni
  • Utoqqaaneruguit imaluunniit anigorsinnaanngisamik nappaateqaruit - qanillinak allallu qanilleqqunagit qinnuigalugit