Arsummi innuttaasut ulluinnarni patajaannerusumik ingerlalernissaq naatsorsuutigisinnaavaat, nunaqarfimmi nutaamik gummigedimik tunineqarpoq ulluinnarni suliassarpassuarnut oqilisaataangaatsiartussamik.
”Inuit nuaannaaqaat” Arsummi kontorfuldmægtigi Ingeborg Sørensen oqarpoq. Gummigedi taama nuannaarutigineqartiginera assut paasinarpoq.
Kalaallit Nunaanni ulluinnarni inuunerup oqinnerulernissaanut gummigedi atortorissaarutini pingaarnersanut ilaavoq – pingaartumik ukiuunerani.
Pingaartumik Arsummi, angissusaami eqqarsaatigalugu aputaajaanermut eqqagassalerinermullu maskiina ataasinnguaq pisariaqartinneqarpoq. Taamaattumillu nunaqarfimmi gummigedip ajoquteqannginnissaa pisariaqartinneqarluinnarpoq, maskiinatoqarli taamaattuaannarsimanngilaq.
”Ajortikulasarpoq, ilaannilu ullut arlerlugit iluarsaanneqartariaqartarluni. Assersuutigalugu ulluni makkunani aputaajaasinnaasimanngilagut”, Ingeborg Sørensen oqarpoq.
Qujanartumik tamakkuninnga ernumassutissaarutissaagut – gummigedi nutaaq pitsavissuuvoq.