Meeqqanut Atuarfeqarnermullu Ingerlatsivimmi pisortaq nutaaq

Meeqqanut Atuarfeqarnermullu Ingerlatsivimmi pisortatut atorfik inuttassarsineqarpoq.

Lone Nukaaraq Møller 2020-mi marsip ulluisa aallaqqaataanni Meeqqanut Atuarfeqarnermullu Ingerlatsivimmi pisortatut Kommuneqarfik Sermersuup atorfinitsittussanngorpaa.

Lone Nukaaraq Møller Ilinniartitaanermut, Kultureqarnermut Ilageeqarnermullu Naalakkersuisoqarfimmi pisortatut atorfeqariarluni maanna maani pisortanngorpoq siusinnerusukkullu Peqqissutsimut Naalakkersuisoqarfimmi pisortatut atorfeqarnikuulluni.

Lone Nukaaraq Møllerip suliffittaamini aallartinnissani qilanaaraa:

- Kommuneqarfik Sermersooq kommuniuvoq ineriartupiloortoq. Suleqatigiinni suleqataalernissannut qilanaarpunga aamma suleqatissakka peqatigalugit meeqqat inuusuttullu ilinniarnissaannut, ineriartornissaannut atugarissaarnissaannullu pitsaanerpaamik atugaqartinnissaat suleqatigiissutigissallugu qilanaaraara, Lone Nukaaraq Møller taama oqarpoq.

Neriulluarneq Kommunaldirektørimit Lars Møller-Sørensenimit ima akineqarpoq:

- Lonep suleqatigilernissaa assut nuannaarutigaarput. Lonep atorfinni arlalinni pisortani aqutsisutut misilittagaqarnera soorunalimi ulluinnarni patajaassusermik, pitsaassusermik naammassiuminarsaanermillu nassataqartussaavoq. Kommunimi tamanna atussallugu qilanaarpugut, kommunaldirektøri Lars Møller-Sørensen oqarpoq.

Lone Nukaara Møller Qasigiannguani inunngorpoq Nuummilu peroriartorluni aamma biologiimut kandidatiuvoq taavalu Kalaallit Nunaanni aseruuttoornernut nappaatit pillugit ph.d.-mik ilinniagaqarluni.