Paasissutissiilluni ataatsimiinnissaq: ”Sermeq City”

Paasissutissiilluni ataatsimiinnissaq: Sanaartornissamik qinnuteqaat ”Sermeq City”, Entreprenørdalen/Nuukullak, Nuuk.

Pilersaarusiaq pillugu paasissutissiilluni ataatsimiinnermut peqataagit.

Innuttaasunik ataatsimiititsineq pissaaq Katuami Ikinngutit Inaanni marlunngornermi novembarip 10ani nal. 16.30-18.30.

Pilersaarusiamik taassumunngalu siunnersuisut pilersaarusiat pilugit oqaluttuassapput, tassungalu tunngasunik Kommuneqarfik Sermersooq pilersaarusiornermut inatsit aamma pilersaarutinut qinnuteqaatinut inatsit atuuttoq qanorlu ingerlasarnera pillugu ilisimatitsissuteqassalluni.

Tamassuma kingorna pilersaarusiaq pillugu inatsimmullu tunngasut pillugit apeqquteqarnissamut periarfissaqassaatit.

Ataatsimiinneq Kommuneqarfik Sermersuumi Illoqarfimmik Inerisaanermut Immikkoortortamit aaqqissuunneqassaaq. Aaqqissuussaq oqalutseqarluni ingerlanneqassaaq.

Sermeq City
Sanarfinermut Avatangiisinullu Ingerlatsivik, tak. Inatsisartut inatsisaat nr. 34, 9. december 2015-imeersoq, qinnuteqaammik Nuummi Nuukullammi sanaartornissamut nunaminertamik inniminniinermut tunngasumik Prime View ApS-imiit tigusaqarpoq. Sanaartornissamik qinnuteqaammut ilaavoq inissianik 300 angullugit amerlassusilinnik, inuussutissarsiutinik biilillu unittarfiinik umiarsualivimmilu pisuttuartarfissamik kusassakkamik sanaartornissaq.

Pilersaarut pillugu annertunerusumik paasissutissanik pissarsiniarnermi kiisalu tusarniaanermut akissutinik nassiussiniarnermi kommunip tusarniaanermut nittartagaa.