Kommune Qeqertalimmit aallartitat arlaqanngitsut kommuneqarfiup allaffianut pulaarput

Kommune Qeqertalimmiit tikeraartut pingajorarterutaannit marluk kitaani silarlunnera pissutigalugu kinguaattoorput, taamaattorli pulaarneq eqqissilluni torersumik qungujulaarlunilu ingerlanneqarpoq.

Kommune Qeqertalimmi Ataatsimiititaliaq INUA-mi aningaasaqarnermut tunngasut akisussaaffigineqarput, ataatsimiititaliarlu katersuukkaangat nalinginnaasumik inuit arfineq-marluk peqataasarput.

Amerlanerilli malugisimassajunnarsivaat ulluni kingullerni silarlunnerusimasoq, sineriallu tamakkingajallugu taamaassimavoq.

Tamanna pillugu pilersaarutaasunit pingasuinnaat tikissimapput, qulingiluaasussaagaluarpulli, tassa Ataatsimiititaliaq INUA tamarmiusoq, sulisut marluk peqatigalugit, tikeraarsimasussaagaluarput.


Borgmesteri siuttuuvoq

Tikissimasut ilagaat Borgmesteri Ane Hansen. Tamatuma saniatigut Nikkulaat Jeremiassen aamma Peter Olsen Nuummut pilersaarutit malillugit tikipput, ilaatigullu Aningaasaqarnermut Inuussutissarsiornermullu Ataatsimiititami ilaasortat pulaarpaat, tassanilu peqataapput Borgmesteri Charlotte Ludvigsen kiisalu Justus Hansen, Jens Kristian Berthelsen aamma Peter Davidsen, taakku tamarmik kommunalbestyrelsip ataatsimiittarfiani najuupput. Charlotte Pike, Harald Bianco aamma Henrik Rachlev kitaaniit oqarasuaatikkut peqataapput.