Paamiuni OCN-piginnaasanut uppernarsaatinnattut qulingiluat

Tallimanngorneq ulloq 9. oktobari 2020 Paamiuni OCN-piginnaasanut uppernarsaatit qulingiluat innuttaasunut Innarluutilinnut aamma Tarnikkut nappaatilinnut Immikkoortortaqarfimmut attuumassutilinnut agguaanneqarput.

Immikkoortortami aqutsisoq Andrine Jensen innuttaasunut oqalugiarpoq, ingerlasimanerat piginnaasanilu suni uppernarsaatitaarnersut oqaluttuaralugit.

Innuttaasut ilaat utoqqaat illuanni iggavimmi sulinermini piginnaasanut uppernarsaatitaarpoq. Utoqqaat illuanni attaveqaataasoq najuuppoq, innuttaasullu siuariartorsimanera OCN-imilu ingerlasimanerata ilaa oqaluttuaralugit.

Tunniussinermi aamma najuupput innuttaasut sullissisuat Else Mogensen aamma suliamut siunnersorti Kristian Dahl. Innuttaasut piginnaasanut uppernarsaatisinermi saniatigut aamma nersualaarneqarput kiisalu suliaqarsimanerannut kajumissaammik Borgmester Charlotte Ludvigsenimit pisissutissamik tunineqarlutik.

Pilluangaaritsi!