Innuttaasunut

Innuttaasunut Kiffartuussivimmi Savalimmiuni kommunimut allakkatigut qinersineq

Paasissutissaq qangarnissaq

Akit, ammasarfiit, malittarisassallu il.il. uani saqqummiunneqartut qanganitsersimasinnaapput.

Savalimmiuni kommunimut qinersisoqassaaq ulloq 10. novembari, maannangaarlu qinersisinnaatitaasut allakkatigut innuttaasunut sullissivimmiit qinersisinnaalerput.

Savalimmiuni kommunimut allakkatigut qinersisinnaatitaaguit, taava allakkatigut qinersinissat periarfissaavoq Nuummi innuttaasunut kiffartuussivik aqqutigalugu.

Kommuneqarfik Sermersuumi innuttaasunut kiffartuussivinni allani qinersiniaruit, taava sapinngisamik tuaviornerpaamik kommuneqarfik@sermersooq.gl allaffigissavat taasivissat qinersivimmut kissaatigisannut nassiunneqarsinnaaqqullugu.

Innuttaasup qinersisinnaatitaanerluni nammineq ilisimasussaavaa. Qinersisinnaatitaanani qinersiniaraluaraanni taasineq Savalimmiunut apuuppat atorsinnaanngitsutut nalunaarutigineqassaaq.

Novembarip ulluisa 9-at tikillugu qinersisoqarsinnaavoq, innuttaasulli nammineq taasinerup allakkatigut piffissaagallartillugu nassiunneqarnissaa akisussaaffigissavaa. Ulloq sunarpiaq taasinerup angumeqqullugu nassiunneqarnissaa kommunimit ullulerneqarsinnaanngilaq. Taamaattumik sapinngisamik siusinaarlutit taasinissat ilinnut kaammattuutigineqarpoq.