Ersinngitsumik nappaatit sapaatip akunnermi 41-mi ersarissisinneqartut

Inunnut innarluutilinnut sapaatip akunnera 41 assigiinngitsorpassuarnik aaqqissuussiffigineqarpoq, tamamik immikkut ersinngitsumik innarluuteqarneq pillugu sammisaqartunik. Assit takukkit uani.

Ullut tamaasa ataasinngornermiit tallimanngornermut Kommuneqarfik pisuni pingaarnertut aaqqissuussisuunngikkuni aaqqissueqataasarpoq, pisuni tamani "Ersinngitsumik nappaateqarneq" sammineqarmat.

Aaqqissuussinerit tamarmik assigiinngiiaartuupput, nuannisaaqatigiinnerniit ersinngitsumik innarluuteqarneq pillugu paasissutissiinernut, taannalu NIIK aamma Tilioq suleqatigalugit aaqqissuunneqarpoq, tassanilu Frederik Elsner-imit Skizo pillugu erinarsuut erinarsorneqarpoq musikvideo-liaalu takutinneqarluni. Tallimanngornermi OCN-imik piginnaangorsarsimanermut uppernarsaatit ukiumoortumik tunniunneqarput.

Massakkut "ulluinnanngoqqippoq", neriuppunngali inuiaqatigiinni innarluutip ersinngitsuusinnaanera ilisimasaqarfigineqarnerulersimassasoq, taamatullu atugaqaraanni ulluinnarni taamatut atugaqartuuneq oqinnerunngitsoq. Tamanna tamatta pikkorinneruffigisariaqarparput, aamma ukiup ingerlanerani sapaatip akunnerini allani”,  Inunnut innaarluutilinnut aamma Tarnimikkut nappaatilinnut immikkoortortami fagchef, Susanne Kærulff Ettrup oqarpoq.

Sapaatip akunnerata ingerlanerani pisunit assit ilai uani takusinnaavatit: