Innuttaasunut

Ikaartarfik ikaarlugu

Paasissutissaq qangarnissaq

Akit, ammasarfiit, malittarisassallu il.il. uani saqqummiunneqartut qanganitsersimasinnaapput.

Nuummiut 250-t Pukuffimmit talittarfimmut ikaartarfittaap atoqqaarfissiorneqarnerani Ikaartarfik ikaarlugu-arpannermi peqataapput. Ilaasa rulleskøjtit, løbehjuulit cykkililluunniit atorpaat, allallu arpaaseqarlutik.

“Isumaqarpunga amerlasuujulluta ikaartarfittaap ammaanersiornissaanut qilanaarsimalluta. Najukkami isumaqangaatsiassaaq, angallanneq isumannaannerulissammat, umiarsualivitoqqap aqqusinertaavatigut angallannerup annertuup ineqarfiit avaqqutissammagit. Aqqusernit oqilisaanneqassaqaat angallatileruttorfimmilu ajornaannerusumik biilerfiulissaaq biilertullu piffissamik sipaassapput,” Borgmesteri Charlotte Ludvigsen ammaanersiorluni oqalugiaammini oqarpoq.

Allunaasap aappaluttup qiunnginnerani pisortatigoortumillu ikaartarfiup ammannginnerani Nuummiut ikaartarfittaarneranni pilluaqqullugit oqalugiaatini naggaserpaa.

ikaartarfiup atoqqaarfissiorneranut atatillugu arpatitsineq Runderful Nuuk aamma Kommuneqarfik Sermersooq akunnerminni qanimut suleqatigiillutik aaqqissuussisuupput.