Nuummi Grønlandsbankenip aamma Kalaaliaqqap eqqaa aappaagu qalliutissalersoqqinneqassaaq.
Suliarineqartoq (kuuffiit erngullu aqqutaat) immikkoortunut marlunnut avinneqarsimasup siullia ingerlanneqarpoq. Kuuffiit asiummata, ussiimmata uingalersimammatalu iluarsartuussinissaq pisariaqarluinnartuuvoq.
Siullermik pilersaarutaasimagaluarpoq, ukioq manna cementilersoriarlugu qallersorneqassasoq. Kommuneqarfik Sermersuumit nalilerneqarpoq, qalliut kuuffissuarnullu matut aputaajaanermi aserorterlutik pisarmata betonilersuisoqassasoq. Suliap immikkoortuata aappaani qalliutissalersuineq suliarineqassaaq, tamannalu aappaagu pisussatut siunniunneqarpoq.