Atualeqqaartut50-itpissangallutik assuarlutillu angajoqqaatik imaluunniit nakkutilliisutik peqatigalugit Nuummi Atuarfik Hans Lynge-mut ingiaqatigaat.
”Ullumikkut ulloq Atuarfik Hans Lyngemi nalliuttorsiorfiuvoq, ilissi atuartunngorlaat immikkut tikilluaqqusinnaagassi, atuarfiup pisortaa Tom Ostermann-Søholm oqarpoq, 1. klassemi atuartunngortut tikilluaqqugamigit.
”Aamma ilimagaara ilissi ulloq taanna immikkuullarissoq pissangallusi nuannaarlusilu qilanaarisimassagissi. Nutaarpassuarnik misigisaqartussanngorpusi, aammali ilarpassui suunersut nalunngereerpasi. Pingaarutilimmik suliassaqalerpusi, tassa atuariartortalissagassi piffissarlu eqqorlugu takkuttalissagassi, taamaattumillu ilinniagassat ilagissavaat pingaartitavut allarpassuillu, taanna nangippoq.
Atualerlaat ataasiakkaarlutik sassaqquneqartarput – siullermik 1 a kingornagullu 1 b. Atuartutilinniartitsisutik ilagalugit klassissaminnut isaareermata, Tom Ostermann-Søholm nangilluni angajoqqaat saaffigai :
”Ukiuni tullerni qulini qitornarsi maanna atuartussanngorpoq, taamaattumik atualeqqaarneraniit malinnaaffiginissaa pingaaruteqarpoq. Akisussaassuseq akisussaaqataanerlu qitornassinnut pingaaruteqarpoq,” erseqqissaatigaalu”…atuarfik angajoqqaallu pingaartinnerpaasassaminnik ataatsimoorlutik akisussaaffeqartut. Tassami akisussaaqatigiikkutta angusaqarluarnerussaagut.
1. klassinngortut ilaqutaasa nakkutilliisuisalu saniatigut Aalborg Kommunianit angalaqataasut,Aalborgip borgmestera Thomas Kastrup-Larsen aamma najuupput. Angalaqatigiit Kommuneqarfik Sermersuumi borgmesterimut taartaasumit Uju Petersenimit najuukkiartoqquneqarsimapput. Aalborgermiut ulluni makkunani Aalborgip-ulloqartinneranut atatillugu Nuummiipput.
Kommuneqarfik Sermersuup atualerlaat 302-t tikilluaqquai. Atuartunngortut kommunip atuarfiini imatut agguataarsimapput :
AHL – Atuarfik Hans Lynge, Nuuk : atuartut 50-it
ASK – Atuarfik Samuel Kleinschmidt, Nuuk : atuartut 47-t
Atuarfik Tuisaaq, Paamiut : atuartut 19-it
Ejnar Mikkelsenila Aluarpia, Ittoqqortoormiut : atuartut arfinillit
Kangillinnguit Atuarfiat, Nuuk : atuartut 52-it
Kapisillit Atuarfia, Kapisillit : atuartut marluk
Kulusumi Alivarpi, Kulusuk: atuartut arfinillit
Nuussuaq Atuarfia, Nuuk : atuartut 32-it
Sermiligaaq Alivarpia, Sermiligaaq : atuartut marluk
Tasiilami Alivarpik, Tasiilaq: atuartut 36-it
USK – Atuarfik Ukaliusaq, Nuuk : atuartut 50-it