Kommuneqarfik Sermersuumi Innuttaasunik Kiffartuusivik, ukioq manna tuttunniarnissamut umimmanniarnissamullu akuersissutit agguaannissaanut piareeqqavoq.
Ukioq mannalu sunngiffimmi inuussutissarsiutigalugulu piniartunut nutaarsiassaqarpoq.
”Naliginnaasumik piniarnermut allagartaq 1.maj tikitsinnagu akilereersimasussaavoq, ukioq mannalu maleruagassaq taanna atuutinngilaq, piniarnermut allagartamik akiliinikut tamarmik akuersissumik aallersinnaapput.” innuttaasunik kiffartuusivimmik aqutsisoq Laila Egede Ignatiussen oqarpoq.
Tuttunniarneq qaammamik ataatsimik sivitsorpoq, ukiuni kingullerni septembarip 30-iani unittaraluartoq ukioq manna oktobarip 30-iani unissaaq. Ilanngullugu ukiuni kingullerni marlunni Nuummi piniartumut ataatsimut pisassat tallimanik killilersorneqarnerat atorunnaassaaq.
Aqutsiveqarfiit 2-7 sunngiffimmi inuussutissarsiutigalugulu piniartunut ammapput.