Innuttaasunut

Ittoqqortoormiuni nalukkiartoqarsinnaalerpoq: Isikkigivissuup ataani

Paasissutissaq qangarnissaq

Akit, ammasarfiit, malittarisassallu il.il. uani saqqummiunneqartut qanganitsersimasinnaapput.

Kommuneqarfik Sermersooq misiliummik ingerlatsisimavoq, Ittoqqortoormiunilu naluttarfeeqqamik pilersitsilluni.

Nalittarfeeraq ammareerpoq, meeqqanillu nuannarineqarlualereerluni.

”Naluttarfeeraq nuannarineqarlualereerpoq, malunnartumillu ataatsimoornermik pilersitsilluni”, annaassiniarnermut ilitsersuisoq Kárale Kielsen oqarpoq.

Nalunnguarfeeqqap ammanerani meeqqat  kikkulluunniit tikilluaqqusaapput, nalunnguarfeeraq assersorneqartumiippoq, matoqqanerminilu parnaaqqasassalluni, sulisoqartiganilu atorneqarsinnaanaviarani.

Naluttarfik Malimmi sulisoq Karale Kielsen pikkorissaajartorluni tikisinneqarpoq, isumannaallisaasussanut haalimi sulisunut  ikiueqqaarnermut annaassiniarnermullu pikkorissaajartorluni.

”Illoqarfiup iluani suli aputeqarami, taavalu imaanut qiviaraanni aamma iluliarasaarluni, taamaammat nunarsuatsinni naluttarfeeralinni isikkiviginnerpaagunarput”, Kárale Kielsen oqarpoq.

Naluttarfeeraq Ittoqqortoormiuni innuttaasut peqatigalugit sananeqarpoq.

”Innuttaasut ikiuulluarneratigut suliaq naammassipallappoq”, peqqinneq sammisassaqartitsivimmullu immikkoortortami pisortaq, Frederik Lundblad oqarpoq.

Naluttarfeeraq silami inissisimavoq, 5×10 meterimillu angissuseqarluni.