Nalorniguit qinersivimmi paasiniaavik ornillugu ikiortissinnaavutit.
”Qinerserlaat arlallit ornigupput paasiniarlugu ilumut qinersisinnaanerlutik”, Kathrine Seblon oqarpoq. Taanna ilaatigut paasiniaavimmi piareersimalluni issiavoq.
Allattuiffimmi allaqqanngikkuit ikiortissinnaavutit ”Maani misissoqqississaartarpagut allattuiffimmi allaqqanersut. Tamatigut nuunnermi najugaq piffissaq eqqorlugu allanngortissimanngikkaanni qinersisoqarsinnaaneq ajorpoq”, Nivikka Olsen oqarpoq.
Suleqataa Nivikka Olsen oqarpoq pingaaruteqartoq illoqarfimmi najugaqarfigisami adresseqarnissaq. Tasiilaminngaanniit Nuummi feriaraanni qinersisoqarsinnaanngilaq, naak kommuneqatigiikkaluarluni. Kommuneqatigiikkaanni paasiuminaassinnaasarpoq, taamatullu pisoqartillugu qinersisartut nassuiaattarpagut, illoqarfigisaminngaanniit taamaallaat qinersisoqarsinnaasartoq”.
Inuit nalornisuinnaat ikiortissarsiorneq ajorput. Pitsorlukkaanni aamma paasiniaavimmut saaffiginnittoqarsinnaavoq biiliutsikkumagaanni. Biiliussineq pitsorluttunut neqeroorutaavoq.
Pitsorluttuuguit biiliutsinneqarniaruillu uunga sianersinnaavutit:
Ittoqqortoormiit: 59 93 99
Nuuk: 555252 / 551256 *Normut nutaat
Paamiut: 49 92 07 / 36 76 77
Tasiilaq: 59 82 15