Innuttaasunut

Inuusuttut sullissivimmik ornittagartaarput

Paasissutissaq qangarnissaq

Akit, ammasarfiit, malittarisassallu il.il. uani saqqummiunneqartut qanganitsersimasinnaapput.

”Sullissivik nutaaq Nuummi meeqqanut inuusuttunullu neqeroorutaavoq pitsaasoq. Tassani ilaatigut ikiorserneqarsinnaapput aqqutissiuuneqarlutillu”, Meeqqanut Ilaqutariinnullu Ataatsimiititami siulittaasoq, Uju Petersen oqarpoq.

”Siornali meeqqanut inuusuttunullu suliniutit aaqqissuuteqqinneri ingerlannikuuagut. Meeqqanut inuusuttunullu sullissivik nutaaq arlalinnik neqeroorutissaqarpoq, ilaatigut meeqqat inuusuttullu sakkortuunik nalaataqarsimasut katsorsarneqarsinnaapput, inuusuttunik siunnersuineq, inuusuttut 18-it 23-illu akornanni ukiullit suliniuteqarfigineranni malinnaaffigineqarlutik aammalu meeqqanik inuusuttunillu atornerluinerup nalaani isumaginninnikkut sungiusarnermik tapersersorneqarlutik.

”Kommuneqarfik Sermersuumi anguniarneqarpoq meeqqat inuusuttullu mianernartunik atugallit siunissami pitsaasumik ingerlalluartumillu inuuneqalernissaannut pisariaqartitaannik tapersersorneqassasut”, Uju Petersen oqarpoq.