Siullermik inuiattut ullorsiorneq nalliuttorsiutigineqarpoq kingornalu illoqafiup ukiunik 125-nngortorsiornera nalliuttorsiutigineqarluni.
Tasiilami innuttaasut inuiattut ullorsiorneq aallarnerlugu illoqarfiup qeqqani ataatsimut ullaakkorsioqatigiipput, tassani oqalugiarnerit marluk ingerlanneqarput 2. viceborgmester Harald Bianco aammalu kommunalbestyrelsimi ilaasortaq Justus Hansen oqalugiarlutik. Inngeratsiler appereernerisa kingorna oqaluffimmi naalagiaqatigiinneq pivoq.
Naalagiaqatigiittoqareermat immami ajunaarsimasut eqqaaniarneqarput. Oqalugiartoqarpoq nigaliliamillu ilisisoqarluni erinarsoqatigiillu tussiutinik atuillutik.
Pisarneq malillugu ualeq Ittimiini ingerlanneqarpoq, innuttaasut tuperlutik, grilleralutik nerisassanillu nassataminnik nerrullutik, nipilersortoqarluni, inngertoqarluni allanillu nuannersunik sammisaqartitsisoqarluni soorlu puisimik pilallaqqinniuuttoqarpoq.
Unnuk naggaserlugu timersortarfimmi aliikkusersoqatigiittoqarpoq qummoroortartoqarlunilu.
22-ani 23-anilu illoqarfiup ukiunik 125-nngortorsiornera nalliuttorsiutigineqarpoq. Georg Quppersimaap eqqaassutissaanik uleersisoqarpoq Jens Kjeldsenimit suliarineqarsimasoq. Ullut marluk ingerlaneranni assigiinngitsunik illoqarfiup iluani pisoqaqattaarpoq sapaatip akunneratalu naanerani timersortarfimmi assigiinngitsunik pisoqartitsinermik naggaserneqarpoq.
Assit amerlanerusut kommunip facebook-iani quppernerani takuneqarsinnaapput.