Nuummi aqqusinernik marlunnik taaguusernissaq

Tusagassiortoq Noah Mølgaard aqqusinernik taaguusiinissamut unammisitsinermi ajugaasoq.

Sumiiffiit Aqquserngillu taaguutaannik siunnersuisoqatigiit Nuummi aqquserngit marluk taaguuserneqarnissaannut innuttaasunik peqataatitsisimapput. Qernertunnguit eqqaanni aqquserngup taaguutaa aammalu Qavaap Nuua eqqaani aqquserngup taaguutaa (Qalut Vonin aamma Kujallerpaani angerlarsimaffeqanngitsunut unnuisarfiup eqqaaniittoq).

Sumiiffiit Aqquserngillu taaguutaannik siunnersuisoqatigiit katillugit siunnersuutinik pingasunik tigusaqarsimapput Noah Mølgaardillu siunnersuutaa toqqarsimallugu.

Taassuma tunngavilersuutigaa ”Qasigiannguit aqqutaat. Sumiiffik Qasigiannguit aqquserngup taaguutigaa”.

”Aamarsuaasivik. Sumiiffik aqquserngup eqqaaniittoq qanga aamarsuaasiviusimavoq. Taamaattumik sumiiffiup oqaluttuarisaaneranut oqaluttuarisaanermik malunnartitsinerussaaq”, Noah Mølgaard oqarpoq.

Sumiiffiit Aqquserngillu taaguutaannik siunnersuisoqatigiit innersuussuteqarnerisigut aqquserngit taaguutissat nutaat Kommunalbestyrelsip novembarip 20-ani 2018 akuersissutigai ataasiinnarmik allannguuteqartillugit.

Qasigiannguanut atorneqassaaq - Qasigiannguit aqqutaat pinnagu.

Kommunimi sulisut ulluni makkunani aqquserngit taaguutissaat nutaat ikkusuleruttorpaat.