Nuummi kaajallattarissat nutaanik taaguutitaassapput

Nuummi kaajallattarissanik taaguusersuinermi Sumiiffinnik Aqquserngillu Taaguutaannik Siunnersuisoqatigiit innuttaasunik taasititsipput.

Kommunalbestyrelsimut ilaasortaq Uju Petersen (IA) siornatigut kommuunip kaajallattariaannik kalaallisut oqaatsivut tunngavigalugit taaguusiinissaq siunnersuutiginikuuaa. Kommunalbestyrelsip siunnersuut akuersissutigaa ima oqaasertalerlugu, suliami innuttaasunik peqataatitsisoqassasoq.

Taamaattumik Sumiiffinnik Aqquserngillu Taaguutaannik Siunnersuisoqatigiit innuttaasunik taasititsisimavoq kaajallattarissat taaguusernissai pillugit. Siunnersuummut innuttaasut periarfissinneqarnermi akissutaasinnaasut pingasuutinneqarput aamma siunnersuuteqarnissamut ammasumik akissuteqarnissamut periarfissaq ataaseq.

Periarfissat taakku pingasut tassaapput:

Oqaasitoqqat

Kaajallattarissat inissisimaffii

Kalaallit Nunaanni uumasut

Innuttaasut amerlanerit kaajallattarissat sumiiffii malillugit taaguuserneqarnissaat taasissutigisimavaat.

Kaajallattarissani taaguutit nutaat imaapput:

1. Fiskerbyp Kaajallattariaa

2. Issortarfiup Kaajallattariaa                             

3.  Qernertunnguit Kaajallattariaat                  

4.  Akunnerit Kajallattariaat                                   

5.  Eqalugalinnguit Kaajallattariaat                  

6.  Sarfaarsuit Kaajallattariaat                             

7.  Pukuffiup Kaajallattariaa                                  

8.  Qarsup Kaajallattariaa   

9.  Pisissip Kaajallattariaa    

10. Naternap Kaajallattariaa                               

11.  Suloqqap Kaajallattariaa