Kommunalbestyrelsemi allannguineq

Kommuneqarfik Sermersooq borgmesterertaarpoq. Tamanna maanna borgmesteriusup Asii Chemnitz Narupip ukiuni qulini borgmesterioreerluni borgmesteritut tunuarnerata malitsigisaanik pivoq.

32-nik ukiulik Charlotte Ludvigsen, borgmesterinngortussatut kommunalbestyrelsemi ilaasortani amerlanerussuteqartunit toqqarneqarpoq.

Borgmesterip tullersortaa siulleq tassaalerpoq Uju Petersen (Inuit Ataqatigiit) tullersortaalerlunilu Harald Bianco (Inuit Ataqatigiit).