Nuup illoqarfiata killeqarfii suli ungavariartortinneqarput. Siunnersuummi kingullermi illoqarfik Qinngutsinniit Siorarsiorfiup tungaanut allilerneqassaaq.
Inatsisartut nutaamik inatsisiliornerisigut suliffeqarfiit aningaasaliisinnaasut namminersortut nunaminertamik inissialiorfissamik inniminniisinnaanngortippai. Tassani Orbicon, TNT Nuuk suleqatigalugu, Mitsimmaviup immikkoortuani takorluukkat titartarlugit suleqatigiissutigivaat. Siunnersuummi illoqarfiup pingaarnersaatut iliuusissap tunngavigineqarnissaa pingaartinneqarpoq aamma imminut nappassinnaaneq pillugu piumasaqaatit nalinginnaasut sakkortuut.
Siunnersuummiipput inissiat 160-it, attaveqaasersuutit, sineriak atuarlugu aqqusineeraq, ulluunerani paaqqinnittarfik allallu immikkoortut sukisaarsaarfissatut atorneqartussat.
Suliassami immikkoortumi sanaartorfigineqartussat assigiinngitsut sisamat siunnersuutigineqarput, imaanut qaninnerusumi illut ilaqutariinnut ataatsinut naatsorsuussat suliarineqassapput, qutsinnerulaartumi illut uiguleriiaat, illut immikkuullarissut kingulliullugillu illut quleriiaat.
Ilaatigut pinnguartarfeqarnissaa aammalu seqernup tarrilerneranik isiginnaartarfissamik, biilit kaajallattarfiatut aamma atorneqartussamik, sanaartortoqarnissaa siunnersuutigineqarpoq. Ilanngullugulu illoqarfiup ilaani immikkoortunik allanik atassusiisunik pisuinnarnut majuartarfeqarnissaa siunnersuutigineqarpoq.
Tusarniaaneq ulloq 8, maaji aallartippoq juulip ulluisa 3-ata 2019-ip tungaanut ingerlasussaq
Siunnersuut tusarniaassutigineqartoq uani atuarsinnaavat