Multi-Kulti alakkarterneqarluarpoq

Akunnerup naanerani Multi-Kulti ingerlanneqarmat illoqarfiit pingaarnersaanni assigiinngisitaarneq sisamanngorneq apriilip ulluisa sisamaanniit sapaammut apriilip ulluisa arfineq-aappaannut nalliuttorsiutigineqarpoq.

Filmertarfeeraq, nammineq erfalasuliorneq, tupilaat pillugit oqaluttuanik paasiniaaneq kiisalu asanninnermik qalipanneqarnerit. Multi-Kulti ingerlanneqarnerani ilaatigut tamakku misigineqarsinnaapput.

Iluatsilluartoq

Inuit taama amerlatigisut akunnerup naanerani kulturikkut pikialaartitsivimmukarlutik alakkaasimanerat Multi-Kultimut suliniummut aqutsisuusoq Anne Kirstine Von Eyben tupaallappoq.

 ”Aaqqissuussatta ilaat tunuleriaaffiusariaqaraluartut nuannaartunik alaatsinaattunillu alakkarterneqarluarput. Takullugit assut nuannerput. Nuummi innuttaasut imminnut paasisimasaqarfiginerulerusupput, tamannalu misilittagaq aappaagu festivalertitseqqilerutta eqqaamassavarput”, Anne Kirstine Von Eyben oqarpoq.

Atuakkanik atorniartarfik kultureqarluartoq

Nunatta Atuagaateqarfiani aaqqissuussamut ”Nunarsuaq naapiguk” ataatillugu Nuummi innuttaasut aqqanillit nunatik ileqqorisartakkatillu oqaluttuarivaat, taama oqarpoq Chloe Christiansen, Nunatta Atuagaateqarfiani misigisassarsiornermik pilersitsisuusoq.

Nunatta Atuagaateqarfiani ilaat inuiattut assuuteqarput, assut kusanarlutik, oqaluttuartullu tamarmik pinngittoqaratik nuna inunngorfigisartik tulluusimaarutigalugu oqaluttuarivaat. ”Inuit assut alaatsinaapput nutaanillu ilikkagaqarusussuseqarlutik, aamma aaqqissuussinerput Multi-Kultertitsinermut tapertaasinnaammat assut nuannaarutigaarput.” Chloe Christiansen oqarpoq.

Nunarsuaq misiliguk

Innuttaasut illuanni Illorput-mi arfininngornermi kalaallit nerisassaataannik ornigulluni misiliiartortoqarsinnaavoq. Tassanilu savamik suppalianiit kapisillit pujukkat, qaleralimmik frikadelliliat aamma kalaallit raajaataat usserneqarsinnaapput. Aaqqissuussaq iluatsilluarpoq, sivitsunngitsorlu usserneqarsinnaasut tamarmik nungupput.

”Kalaaliminertalimmik aaqqissuussisoqarnera nuannarineqarluarpoq, tassanilu pilersaarutit maleqqissaarlugit suna tamarmi naammassineqarpoq” taama oqarpoq Lena Olsen, Illorput-mi sulisoq. Takkuttoqanngitsuussasoralugu ernumalersimagaluarpoq, naatsorsuutigisalli qaangerujussuarlugit naammassineqarnera assut nuannaarutigalugu. ”Aaqqissuussatsinnut kingullermut sushiliorluta pigatta, inuppassuit takkupput, tassani pissaangaatsialeraluarpunga, tassami takkuttut tamarluinnaasa pissaqartikkusunnermik” Lena illarlunilu taama oqarpoq. ”Qujanartumilli tunniussinnaasavut naammapput, aamma naak inersuaq ulikkaavikkaluartoq” oqarpoq.

Ukioq manna Multi-Kulti ingerlanneqarnerani iluatsilluaqimmat aaqqissuisunit tamaat isigalugu assut nuannaarutigineqarpoq.


_P0A2415
_P0A2502
_P0A2615
_P0A2700
_P0A2738
_P0A2812
_P0A2843
_P0A2851
_P0A2873
_P0A2904
_P0A2912
_P0A3000
_P0A3028
_P0A3071
_P0A3152
_P0A3181
_P0A3257
_P0A3261
_P0A3322
_P0A3348
_P0A3405
_P0A3433
_P0A3446
_P0A3468
_P0A3487
_P0A3499
_P0A3539
_P0A3600
_P0A3620
_P0A3644
_P0A3786