Tunumi takornariaqarnerup siuarsarneqarnissaa peqataaffigiuk

Tunumi takornarialerinermut aningaasaliissutinut qinnuteqarfissaq ammaanneqaqqippoq. Tunumi takornarialerinerup siuarsarnissaanut isumassarsiatsialaqaruit imaluunniit suliniuteqarnikkut allanngueqataarusukkuit, maajip ulluisa aallaqqaataatinnagu qinnuteqarsinnaavutit.

Tunumi Takornarialerinermut aningaasaliissuteqartartunit eqqumaffigeqquneqartoq tassaavoq, kikkulluunniit Tunumeersut aningaasaliissutinut qinnuteqarsinnaammata. Tunumi takornarialerinermut tunngatillugu pilersitsinissaq siunertarineqarallartillugu illoqarfinni nunaqarfinnilu inuit taamaattumik qinnuteqarsinnaapput.

Tunumi takornarialerinerup ineriartortilluarnissaanut suliffissanillu amerlanerusunik pilersitsisoqassasoq aningaasaliisoqarneratigut Kommuneqarfik Sermersuumit anguneqarusuppoq. Aningaasatigut tapersiineq aallartisaanermi iluaqutissatut isigineqassapput, suliniutillu piffissap ingerlanerani aningaasatigut nammineq ingerlasinnaalereersimassallutik.

Tunumi Takornarialerinermut aningaasaliissutit atorlugit Destination East Greenland aningaasaliiffigineqarnikuuvoq. Matumani ilaatigut Tasiilami issiaartarfiit Tunumiut qamutaannik ilusilersukkat ikkussuunneqarput.

Tunumi Takornarialerinermut aningaasaliissutinut qinnuteqarfissaq kingulleq tassaavoq 1. maaji 2019.

Maani paasisaqarnerusinnaavutit