Ukiunik 125-nik nalliuttorsiorneq

Tunumi illoqarfiit annersaata niivertoqarfiup tunngavilerneqarnerata ukiunik 125-inngorneri nalliussitissavaa

Tasiilami Najukkami Ataatsimiititap aalajangerpaa nalliuttorsiorneq ulluni 21. - 23. juuni ingerlanneqassasoq. Ukiunik 125-nik nalliuttorsiorneq angisuujuvoq najukkamilu ataatsimiititap pissusissamisoorsoraa nalliuttorsiorneq ulluni pingasuni, Kalaallit Nunaanni inuiattut ullorsiornerup nalaani ingerlanneqassasoq.

Tasiilaq niivertoqarfittut 26. aggusti 1894-imi tunngavilerneqarpoq innuttaasullu ullup nalliussitinneqarnissaanut periarfissaqassapput. Taanna pissaaq 25. aggusti, ukioq manna 26. aggusti ataasinngornerummat.

Junimi ullunut pingasunut aggustillu 25-iani pisussanut pilersaarut upernaap ingerlannerani saqqummiunneqarumaarpoq.

Tasiilaq ukiuni arlalinni Tunumi illoqarfiit annersarisimavaat, ukioq mannalu januaarip aallaqqaataani innuttaasut 2063-iusimallutik.